တရားနာရန္ လြယ္သေလာ (တရားနာရန် လွယ်သလော)

[Zawgyi]
တရားနာရန္ လြယ္သေလာ

ျမတ္စြာဘုရားသည္ ေဇတ၀န္ေက်ာင္းေတာ္၌ ေနေတာ္မူစဥ္
ငါးေယာက္ေသာ ဥပါသကာတို႕ကို အေၾကာင္းျပဳ၍ ေဟာေတာ္
မူေလ၏။

ထို ငါးေယာက္ေသာ ဒါယကာတို႕သည္ တရားေတာ္ကို နာလို
ကန္ုသည္ျဖစ္၍ ေက်ာင္းေတာ္သို႕ သြားျပီးလွ်င္ ျမတ္စြာဘုရားကို
ရွိခိုးလွ်က္တင့္အပ္ေလွ်ာက္ပတ္ေသာ အရပ္၌ ေနၾကေလကုန္
သတတ္။ ဘုရားရွင္တို႕အားလည္း ဤသူကား မင္းတည္း။
ဤသူကား ပုဏၰားတည္း။ဤသူကား ၾကြယ္၀ေသာသူတည္း။
ဤသူကားဆင္းရဲသားတည္း။ ဤသူကားမြန္မြန္ျမတ္ျမတ္ျပဳ၍
တရားေဟာအံ့။ဤသူကား မေဟာအပ္။ ဤသို႕ စိတ္ေတာ္ မျဖစ္။
အမွတ္မရွိ။ တစ္ေယာက္ေယာက္ေသာသူကို အေၾကာင္းျပဳ၍
တရားေဟာေတာ္မူသည္ရွိေသာ္ တရားေတာ္၌ ရိုေသျခင္းကို
ေရွ႕သြားျပဳေတာ္မူ၍ ေကာင္းကင္၊ ျမစ္ ၊ ေရတံခြန္ စီးက်ဘိ
သကဲ့သို႕ ေဟာၾကားေတာ္မူေလ၏။

ဤသို႕ ေဟာၾကားေတာ္မူေသာျမတ္စြာဘုရား၏ အထံေတာ္၌
ေနၾကကုန္ေသာ ထိုသူတို႕တြင္တစ္ေယာက္ေသာသူသည္
ထိုင္လွ်က္သာလွ်င္ အိပ္ေပ်ာ္လွ်က္ေနေလ၏။ တစ္ေယာက္
ေသာသူသည္ လက္ေခ်ာင္းျဖင့္ေျမ၌ ေရးျခစ္လွ်က္ေနေလ၏။
တစ္ေယာက္ေသာသူသည္ သစ္ပင္တစ္ပင္ကိုလႈပ္လွ်က္
ေနေလ၏။တစ္ေယာက္ေသာသူသည္ ေကာင္းကင္သို႕
တေမာ့ေမာ့ ၾကည့္လွ်က္ေနေလ၏။ တစ္ေယာက္ေသာသူ
သည္ကား ရိုေသစြာ နာၾကားေလ၏။

ရွင္အာနႏၵာမေထရ္ျမတ္သည္ ျမတ္စြာဘုရားကိုယပ္ခတ္လွ်က္
ထိုဒါယကာငါးဦးတို႕၏ အမူအရာကိုၾကည့္ကာ ျမတ္စြာဘုရားကို
… “ျမတ္စြာဘုရား ရွင္ေတာ္ဘုရားတို႕သည္ ဤငါးဦးေသာ သူတို႕
အား ၾကီးစြာေသာမိုးသည္ ျခိမ္းသံျခိမ္းဘိသကဲ့သို႕ တရားေတာ္
ကို ေဟာေတာ္မူၾကပါ၏။ ဤသူတို႕ကား ရွင္ေတာ္ဘုရားတို႕သည္
တရားေဟာေတာ္မူၾကကုန္ေသာ္လည္း ဤမည္ေသာ အမႈကို၎။
ျပဳလုပ္ကာေနၾကပါသည္ဘုရား။”…

…”ခ်စ္သား အာနႏၵာ သင္သည္ ဤဒါယကာ ငါးဦးတို႕ကို မသိ
ေလသေလာ။..”
.. “ မွန္လွပါ မသိပါဘုရား”..
.. “ ထိုဒါယကာ ငါးဦးတို႔တြင္ အၾကင္ဒါယကာသည္ အိပ္ေပ်ာ္
လွ်က္ေန၏။ ထိုဒါယကာသည္ ဘ၀ငါးရာတို႕ပတ္လံုး ေျမြ
အမ်ိဳး၌ျဖစ္၍ အေခြတို႕၌ ဦးေခါင္းထားလွ်က္သာ အိပ္ေပ်ာ္
ေလ့ရွိဖူး၏။ ယခုအခါ၌လည္း ထိုဒါယကာအား အိပ္ျခင္း
အေလ့ရွိ၏။ အိပ္ေပ်ာ္ေနဆဲျဖစ္၏။ ထို႕ေၾကာင့္ ထိုဒါယကာ၏
နားတြင္းသို႕ ငါဘုရားေဟာေသာ တရားသံသည္ မ၀င္နိုင္..”
.. “ ျမတ္စြာဘုရား …အသို႕နည္း။ အစဥ္အတိုင္းအားျဖင့္
ေဟာၾကားေတာ္မူပါသေလာ။ ထိုသုိ႕ မဟုတ္မူ အၾကားအၾကား
အားျဖင့္ ေဟာၾကားေတာ္မူပါသေလာဘုရား။..”
“…ခ်စ္သား အာနႏၵာ ထိုဒါယကာ၏ ရံခါ လူအျဖစ္ကို၎။ရံခါ
နတ္ အျဖစ္ကို၎။ ရံခါ နဂါး အျဖစ္ကို၎။ ဤသို႕ အၾကား
အၾကား၌ ျဖစ္ေသာသူ၏ ဘ၀တို႕ကို သဗၺညဳတ ဥာဏ္ေတာ္
ျဖင့္ေသာ္လည္း ပိုင္းျခားျခင္းငွာ မတတ္နိုင္ အစဥ္အတုိင္း
အားျဖင့္ သာလွ်င္ ဤ ဒါယကာသည္ ဘ၀ ငါးရာတို႕ပတ္လံုး
နဂါးမ်ိဳး၌ျဖစ္၍ အိပ္ေပ်ာ္ေနရေသာ္လည္း အိပ္ျခင္း၌ မေရာင့္
ရဲနိုင္ေသးသည္သာလွ်င္တည္း။

လက္ေခ်ာင္းတို႕ျဖင့္ ေျမကိုေရးျခစ္လွ်က္ရွိေသာ ေယာက်္ား
သည္လည္း ဘ၀ငါးရာတို႕ပတ္လံုး တီမ်ိဳး၌ ျဖစ္၍ ေျမကို
တူးေနရေလ၏။ ယခုအခါ၌လည္း ေျမကိုတူးလွ်က္သာလွ်င္
ငါဘုရားေဟာေတာ္မူေသာ တရားသံကို မၾကားရနိုင္ရွာ။
သစ္ပင္ကို လႈပ္လွ်က္ေနေသာ ထိုေယာက်္ားသည္လည္း
အစဥ္အတိုင္းအားျဖင့္ ဘ၀ငါးရာတို႕ပတ္လံုး ေမ်ာက္မ်ိုဳး၌
ျဖစ္ဖူးေလ၏။ ယခု အခါ၌လည္း ေရွး၌ ေလ့က်က္ဖူးသည့္
အစြမ္းျဖင့္ သစ္ပင္ကိုလႈပ္ေနသည္သာလွ်င္တည္း။
ထိုေယာက်္ား၏ နားတြင္းသို႕ ငါဘုရား ေဟာေတာ္မူေသာ
တရားသံသည္ မ၀င္နိုင္ရွာ။ ေကာင္းကင္သို႕ ေမာ့ၾကည့္၍
ေနေသာ ထိုပုဏၰါးသည္လည္း ဘ၀ငါးရာတို႕ပတ္လံုး
နကၡတ္ဖတ္တတ္ေသာသူ၏ အျဖစ္ျဖင့္ ျဖစ္ဖူးေလ၏။
ယခုအခါ ေရွး၌ ေလ့က်င္ဖူးသည့္အစြမ္းျဖင့္ ယေန႕၌လည္း
ေကာင္းကင္သို႕သာလွ်င္ ေမာ့ၾကည့္ေန၏။ ထိုပုဏၰား၏
နားတြင္းသို႕ ငါဘုရား ေဟာေတာ္မူေသာ တရားသံသည္
မ၀င္နိုင္ရွာ။

ရိုေသစြာတရားနာလွ်က္ ထိုင္ေနေသာ ဤသူကား…..
အစဥ္အတိုင္းအားျဖင့္ ဘ၀ငါးရာတို႕ပတ္လံုး ေဗဒင္သံုးပံု
တို႕၏ ကမ္းတဘက္သို႕ ေရာက္သည္ျဖစ္၍ ေဗဒင္ကို
သရဇၥ်ယ္ေသာ ပုဏၰား၏ အျဖစ္ျဖင့္ ျဖစ္ဖူးေလ၏။
ယခု အခါ၌လည္း ေဗဒင္ကိုေရွ႕ေနာက္ ႏွီးေနွာသကဲ့သို႕
ရိုေသစြာ နာၾကားဘိ၏။…” ဟု မိန္႕ေတာ္မူ၏။

..” ျမတ္စြာဘုရား…ရွင္ေတာ္ဘုရားတို႕၏ ေဟာေတာ္မူအပ္ေသာ
တရား ေဒသနာေတာ္သည္ အေရစသည္တို႕ကိုျဖတ္လွ်က္ ရိုးတြင္း
ျခင္ဆီကို ထိခိုက္၍ တည္ပါသည္ဘုရား အဘယ္ေၾကာင့္ ဤ ဒါယကာ
တို႕သည္ ရွင္ေတာ္ဘုရားတို႕ တရားေဟာေတာ္မူၾကပါကုန္ေသာ္လည္း
ရိုေသစြာ မနာနိုင္ၾကပါသနည္း..ဘုရား…”
…. “ ခ်စ္သား အာနႏၵာ..ငါဘုရား၏ တရားေတာ္ကို ခ်မ္းသာစြာ
နာအပ္ေသာ အလြန္တရာ နာခ်င္စရာ ေကာင္းလွေသာ တရားဟု
အမွတ္ကို ျပဳဘိေယာင္သကား။..”
…. “ျမတ္စြာဘုရား ..အသို႕ပါနည္း ဆင္းရဲစြာ နာအပ္ေသာ အလြန္
တရာ နာခ်င္စရာမေကာင္းလွေသာ တရားျဖစ္ပါသလား ဘုရား..”
…. “ ခ်စ္သား အာနႏၵာ ေၾသာ္ ဆင္းရဲစြာနာအပ္ေသာတရားဟူသည္
ဟုတ္မွန္ပါ၏။…”
.. “ျမတ္စြာဘုရား အဘယ္အေၾကာင္းေၾကာင့္ပါနည္း ဘုရား…”
… “..ခ်စ္သား အာနႏၵာ..ဘုရား ဟူ၍၎၊ တရားဟူ၍၎၊သံဃာ
ဟူ၍၎၊ ဤသို႕ေသာပုဒ္ကို ဤ သတၱ၀ါတို႕သည္ မ်ားစြာေသာ
ကမ ၻာ တစ္သိန္းတို႕၌ေသာ္လည္း မၾကားအပ္စဖူး။ ထို႕ေၾကာင့္
ဤ တရားေတာ္ကိုနာျခင္းငွာ မတတ္နိုင္ၾကကုန္၊ မသိအပ္ေသာ
အစရွိေသာ သံသရာ၌ ဤ သတၱ၀ါတို႕သည္ တစ္ပါး မက
မ်ားေသာ အျပားရွိေသာ မဂ္ဖိုလ္မွ ဖီလာ တိရစ ၦာနကထာျဖစ္ေသာ
စကားကိုသာလွ်င္ ၾကားရ နာရကုန္လွ်က္ လာၾကရကုန္၏။
ထို႕ေၾကာင့္ ေသေသာက္ရာ ေပ်ာ္ရႊင္ရာ ကစားရာ တလင္း၀န္း
စသည္တို႕သို႕ သီဆိုၾကကုန္လွ်က္ ကခုန္ၾကကုန္လွ်က္ သြားလာ
လွည့္လည္နိုင္ၾကကုန္၏။ တရားေတာ္ကို နာျခင္းငွာ မတတ္နိုင္ၾကကုန္။..”

.. “ျမတ္စြာဘုရား အဘယ္တရားကိုမွီ၍ ထိုသူတို႕သည္ မတတ္နိုင္ၾက
ပါကုန္သနည္း။ဘုရား..”

“…..ခ်စ္သား အာနႏၵာ..ရာဂကိုမွီ၍ ေဒါသကိုမွီ၍ ေမာဟကိုမွီ၍ တဏွာတို႕
ကိုမွီ၍ မတတ္နိုင္ၾကကုုန္။ ရာဂမီးႏွင့္တူေသာ မီးမည္သည္ မရွိ၊ ထိုရာဂမီး
သည္ ျပာကို မၾကြင္းေစမူ၍ သတၱ၀ါတို႕ကိုေလာင္၏။ ေနခုနစ္စင္း ထင္ရွားစြာ
ထြက္ျခင္းကိုမွီ၍ ျဖစ္ေသာ ကမ ၻာဖ်က္မီးသည္လည္း တစ္စံုတစ္ခုကို မၾကြင္း
ေစမူ၍လွ်င္ ေလာင္၏။ ထုိသို႕ပင္ေလာင္ေသာ္လည္း ထိုကမ ၻာဖ်က္မီးသည္
ရံခါ ေလာင္သည္သာတည္း။ ရာဂဟူေသာ မီး၏ မေလာင္ေသာ ကာလမည္
သည္ မရွိ။ ထို႕ေၾကာင့္ ရာဂႏွင့္တူေသာမီးသည္၎၊ ေဒါသႏွင့္ တူေသာ
ဖမ္းယူတတ္ေသာ သူသည္လည္းေကာင္း။ ေမာဟႏွင့္ တူေသာ ကြန္ရက္
သည္ လည္းေကာင္း။ တဏွာႏွင့္ တူေသာ ျမစ္သည္လည္းေကာင္း မရွိ …”

နတၳိ ရာဂ သေမာ အဂၢိ၊ နတၳိ ေဒါသသေမာ ဂေဟာ။
နတၳိ ေမာဟသမံ ဇာလံ ၊ နတၳိ တဏွာသမာ နဒီ။

ရာဂသေမာ၊ရာဂႏွင့္တူေသာ အဂၢိ၊မီးသည္ နတၳိ မရွိ။
ေဒါသ သေမာ၊ ေဒါသနွင့္တူေသာ၊ ဂေဟာ ဖမ္းယူတတ္ေသာသူသည္။
နတၳိ မရွိ။ ေမာဟသမံ ေမာဟႏွင့္တူေသာ။ ဇာလံ ကြန္ရက္သည္။
နတၳိ မရွိ။ တဏွာ သမာ ။ တဏွာႏွင့္တူေသာ နဒီ ျမစ္သည္ နတၳိ မရွိ။

ေဒသနာေတာ္ အဆံုး၌ တရားေတာ္အား ရိုေသစြာ နာၾကားေသာ
ဥပါသကာသည္ ေသာတာပတၱိဖိုလ္၌တည္ေလ၏။

(အရွင္ဓမၼသာမီဘိ၀ံသ ၏ ပံုေတာ္စံု ဓမၼပဒ၀တၳဳေတာ္ၾကီး
ဥပါသကာ ငါးေယာက္၀တၳဳ မွ)

……………..

သံသရာတစ္ေလွ်ာက္လံုး ဘုရား တရား သံဃာလို႕ မၾကားဖူး
မနာဖူး မသိဖူးသျဖင့္ တရားေတာ္အား ခံုမင္ႏွစ္လိုမရွိေသာသူ
အျဖစ္မွ တရားေတာ္အား နာယူၾကည္ညို ျမတ္နိုးသူျဖစ္ေအာင္
ၾကိဳးစား၍ နာယူေတာ္မူနိုင္ၾကပါေစ ေလ့က်က္နိုင္ၾကပါေစ။

Credit to တတိယေျမာက္သမီးေတာ္

[Unicode]
တရားနာရန် လွယ်သလော

မြတ်စွာဘုရားသည် ဇေတဝန်ကျောင်းတော်၌ နေတော်မူစဉ်
ငါးယောက်သော ဥပါသကာတို့ကို အကြောင်းပြု၍ ဟောတော်
မူလေ၏။

ထို ငါးယောက်သော ဒါယကာတို့သည် တရားတော်ကို နာလို
ကန်ုသည်ဖြစ်၍ ကျောင်းတော်သို့ သွားပြီးလျှင် မြတ်စွာဘုရားကို
ရှိခိုးလျှက်တင့်အပ်လျှောက်ပတ်သော အရပ်၌ နေကြလေကုန်
သတတ်။ ဘုရားရှင်တို့အားလည်း ဤသူကား မင်းတည်း။
ဤသူကား ပုဏ္ဏားတည်း။ဤသူကား ကြွယ်ဝသောသူတည်း။
ဤသူကားဆင်းရဲသားတည်း။ ဤသူကားမွန်မွန်မြတ်မြတ်ပြု၍
တရားဟောအံ့။ဤသူကား မဟောအပ်။ ဤသို့ စိတ်တော် မဖြစ်။
အမှတ်မရှိ။ တစ်ယောက်ယောက်သောသူကို အကြောင်းပြု၍
တရားဟောတော်မူသည်ရှိသော် တရားတော်၌ ရိုသေခြင်းကို
ရှေ့သွားပြုတော်မူ၍ ကောင်းကင်၊ မြစ် ၊ ရေတံခွန် စီးကျဘိ
သကဲ့သို့ ဟောကြားတော်မူလေ၏။

ဤသို့ ဟောကြားတော်မူသောမြတ်စွာဘုရား၏ အထံတော်၌
နေကြကုန်သော ထိုသူတို့တွင်တစ်ယောက်သောသူသည်
ထိုင်လျှက်သာလျှင် အိပ်ပျော်လျှက်နေလေ၏။ တစ်ယောက်
သောသူသည် လက်ချောင်းဖြင့်မြေ၌ ရေးခြစ်လျှက်နေလေ၏။
တစ်ယောက်သောသူသည် သစ်ပင်တစ်ပင်ကိုလှုပ်လျှက်
နေလေ၏။တစ်ယောက်သောသူသည် ကောင်းကင်သို့
တမော့မော့ ကြည့်လျှက်နေလေ၏။ တစ်ယောက်သောသူ
သည်ကား ရိုသေစွာ နာကြားလေ၏။

ရှင်အာနန္ဒာမထေရ်မြတ်သည် မြတ်စွာဘုရားကိုယပ်ခတ်လျှက်
ထိုဒါယကာငါးဦးတို့၏ အမူအရာကိုကြည့်ကာ မြတ်စွာဘုရားကို
… “မြတ်စွာဘုရား ရှင်တော်ဘုရားတို့သည် ဤငါးဦးသော သူတို့
အား ကြီးစွာသောမိုးသည် ခြိမ်းသံခြိမ်းဘိသကဲ့သို့ တရားတော်
ကို ဟောတော်မူကြပါ၏။ ဤသူတို့ကား ရှင်တော်ဘုရားတို့သည်
တရားဟောတော်မူကြကုန်သော်လည်း ဤမည်သော အမှုကို၎င်း။
ပြုလုပ်ကာနေကြပါသည်ဘုရား။”…

…”ချစ်သား အာနန္ဒာ သင်သည် ဤဒါယကာ ငါးဦးတို့ကို မသိ
လေသလော။..”
.. “ မှန်လှပါ မသိပါဘုရား”..
.. “ ထိုဒါယကာ ငါးဦးတို့တွင် အကြင်ဒါယကာသည် အိပ်ပျော်
လျှက်နေ၏။ ထိုဒါယကာသည် ဘဝငါးရာတို့ပတ်လုံး မြွေ
အမျိုး၌ဖြစ်၍ အခွေတို့၌ ဦးခေါင်းထားလျှက်သာ အိပ်ပျော်
လေ့ရှိဖူး၏။ ယခုအခါ၌လည်း ထိုဒါယကာအား အိပ်ခြင်း
အလေ့ရှိ၏။ အိပ်ပျော်နေဆဲဖြစ်၏။ ထို့ကြောင့် ထိုဒါယကာ၏
နားတွင်းသို့ ငါဘုရားဟောသော တရားသံသည် မဝင်နိုင်..”
.. “ မြတ်စွာဘုရား …အသို့နည်း။ အစဉ်အတိုင်းအားဖြင့်
ဟောကြားတော်မူပါသလော။ ထိုသို့ မဟုတ်မူ အကြားအကြား
အားဖြင့် ဟောကြားတော်မူပါသလောဘုရား။..”
“…ချစ်သား အာနန္ဒာ ထိုဒါယကာ၏ ရံခါ လူအဖြစ်ကို၎င်း။ရံခါ
နတ် အဖြစ်ကို၎င်း။ ရံခါ နဂါး အဖြစ်ကို၎င်း။ ဤသို့ အကြား
အကြား၌ ဖြစ်သောသူ၏ ဘဝတို့ကို သဗ္ဗညုတ ဉာဏ်တော်
ဖြင့်သော်လည်း ပိုင်းခြားခြင်းငှာ မတတ်နိုင် အစဉ်အတိုင်း
အားဖြင့် သာလျှင် ဤ ဒါယကာသည် ဘ၀ ငါးရာတို့ပတ်လုံး
နဂါးမျိုး၌ဖြစ်၍ အိပ်ပျော်နေရသော်လည်း အိပ်ခြင်း၌ မရောင့်
ရဲနိုင်သေးသည်သာလျှင်တည်း။

လက်ချောင်းတို့ဖြင့် မြေကိုရေးခြစ်လျှက်ရှိသော ယောကျ်ား
သည်လည်း ဘဝငါးရာတို့ပတ်လုံး တီမျိုး၌ ဖြစ်၍ မြေကို
တူးနေရလေ၏။ ယခုအခါ၌လည်း မြေကိုတူးလျှက်သာလျှင်
ငါဘုရားဟောတော်မူသော တရားသံကို မကြားရနိုင်ရှာ။
သစ်ပင်ကို လှုပ်လျှက်နေသော ထိုယောကျ်ားသည်လည်း
အစဉ်အတိုင်းအားဖြင့် ဘဝငါးရာတို့ပတ်လုံး မျောက်မျိုး၌
ဖြစ်ဖူးလေ၏။ ယခု အခါ၌လည်း ရှေး၌ လေ့ကျက်ဖူးသည့်
အစွမ်းဖြင့် သစ်ပင်ကိုလှုပ်နေသည်သာလျှင်တည်း။
ထိုယောကျ်ား၏ နားတွင်းသို့ ငါဘုရား ဟောတော်မူသော
တရားသံသည် မဝင်နိုင်ရှာ။ ကောင်းကင်သို့ မော့ကြည့်၍
နေသော ထိုပုဏ္ဏါးသည်လည်း ဘဝငါးရာတို့ပတ်လုံး
နက္ခတ်ဖတ်တတ်သောသူ၏ အဖြစ်ဖြင့် ဖြစ်ဖူးလေ၏။
ယခုအခါ ရှေး၌ လေ့ကျင်ဖူးသည့်အစွမ်းဖြင့် ယနေ့၌လည်း
ကောင်းကင်သို့သာလျှင် မော့ကြည့်နေ၏။ ထိုပုဏ္ဏား၏
နားတွင်းသို့ ငါဘုရား ဟောတော်မူသော တရားသံသည်
မဝင်နိုင်ရှာ။

ရိုသေစွာတရားနာလျှက် ထိုင်နေသော ဤသူကား…..
အစဉ်အတိုင်းအားဖြင့် ဘဝငါးရာတို့ပတ်လုံး ဗေဒင်သုံးပုံ
တို့၏ ကမ်းတဘက်သို့ ရောက်သည်ဖြစ်၍ ဗေဒင်ကို
သရဇ္ဈယ်သော ပုဏ္ဏား၏ အဖြစ်ဖြင့် ဖြစ်ဖူးလေ၏။
ယခု အခါ၌လည်း ဗေဒင်ကိုရှေ့နောက် နှီးနှောသကဲ့သို့
ရိုသေစွာ နာကြားဘိ၏။…” ဟု မိန့်တော်မူ၏။

..” မြတ်စွာဘုရား…ရှင်တော်ဘုရားတို့၏ ဟောတော်မူအပ်သော
တရား ဒေသနာတော်သည် အရေစသည်တို့ကိုဖြတ်လျှက် ရိုးတွင်း
ခြင်ဆီကို ထိခိုက်၍ တည်ပါသည်ဘုရား အဘယ်ကြောင့် ဤ ဒါယကာ
တို့သည် ရှင်တော်ဘုရားတို့ တရားဟောတော်မူကြပါကုန်သော်လည်း
ရိုသေစွာ မနာနိုင်ကြပါသနည်း..ဘုရား…”
…. “ ချစ်သား အာနန္ဒာ..ငါဘုရား၏ တရားတော်ကို ချမ်းသာစွာ
နာအပ်သော အလွန်တရာ နာချင်စရာ ကောင်းလှသော တရားဟု
အမှတ်ကို ပြုဘိယောင်သကား။..”
…. “မြတ်စွာဘုရား ..အသို့ပါနည်း ဆင်းရဲစွာ နာအပ်သော အလွန်
တရာ နာချင်စရာမကောင်းလှသော တရားဖြစ်ပါသလား ဘုရား..”
…. “ ချစ်သား အာနန္ဒာ သြော် ဆင်းရဲစွာနာအပ်သောတရားဟူသည်
ဟုတ်မှန်ပါ၏။…”
.. “မြတ်စွာဘုရား အဘယ်အကြောင်းကြောင့်ပါနည်း ဘုရား…”
… “..ချစ်သား အာနန္ဒာ..ဘုရား ဟူ၍၎င်း၊ တရားဟူ၍၎င်း၊သံဃာ
ဟူ၍၎င်း၊ ဤသို့သောပုဒ်ကို ဤ သတ္တဝါတို့သည် များစွာသော
ကမ ္ဘာ တစ်သိန်းတို့၌သော်လည်း မကြားအပ်စဖူး။ ထို့ကြောင့်
ဤ တရားတော်ကိုနာခြင်းငှာ မတတ်နိုင်ကြကုန်၊ မသိအပ်သော
အစရှိသော သံသရာ၌ ဤ သတ္တဝါတို့သည် တစ်ပါး မက
များသော အပြားရှိသော မဂ်ဖိုလ်မှ ဖီလာ တိရစ ္ဆာနကထာဖြစ်သော
စကားကိုသာလျှင် ကြားရ နာရကုန်လျှက် လာကြရကုန်၏။
ထို့ကြောင့် သေသောက်ရာ ပျော်ရွှင်ရာ ကစားရာ တလင်းဝန်း
စသည်တို့သို့ သီဆိုကြကုန်လျှက် ကခုန်ကြကုန်လျှက် သွားလာ
လှည့်လည်နိုင်ကြကုန်၏။ တရားတော်ကို နာခြင်းငှာ မတတ်နိုင်ကြကုန်။..”

.. “မြတ်စွာဘုရား အဘယ်တရားကိုမှီ၍ ထိုသူတို့သည် မတတ်နိုင်ကြ
ပါကုန်သနည်း။ဘုရား..”

“…..ချစ်သား အာနန္ဒာ..ရာဂကိုမှီ၍ ဒေါသကိုမှီ၍ မောဟကိုမှီ၍ တဏှာတို့
ကိုမှီ၍ မတတ်နိုင်ကြကုန်။ ရာဂမီးနှင့်တူသော မီးမည်သည် မရှိ၊ ထိုရာဂမီး
သည် ပြာကို မကြွင်းစေမူ၍ သတ္တဝါတို့ကိုလောင်၏။ နေခုနစ်စင်း ထင်ရှားစွာ
ထွက်ခြင်းကိုမှီ၍ ဖြစ်သော ကမ ္ဘာဖျက်မီးသည်လည်း တစ်စုံတစ်ခုကို မကြွင်း
စေမူ၍လျှင် လောင်၏။ ထိုသို့ပင်လောင်သော်လည်း ထိုကမ ္ဘာဖျက်မီးသည်
ရံခါ လောင်သည်သာတည်း။ ရာဂဟူသော မီး၏ မလောင်သော ကာလမည်
သည် မရှိ။ ထို့ကြောင့် ရာဂနှင့်တူသောမီးသည်၎င်း၊ ဒေါသနှင့် တူသော
ဖမ်းယူတတ်သော သူသည်လည်းကောင်း။ မောဟနှင့် တူသော ကွန်ရက်
သည် လည်းကောင်း။ တဏှာနှင့် တူသော မြစ်သည်လည်းကောင်း မရှိ …”

နတ္ထိ ရာဂ သမော အဂ္ဂိ၊ နတ္ထိ ဒေါသသမော ဂဟော။
နတ္ထိ မောဟသမံ ဇာလံ ၊ နတ္ထိ တဏှာသမာ နဒီ။

ရာဂသမော၊ရာဂနှင့်တူသော အဂ္ဂိ၊မီးသည် နတ္ထိ မရှိ။
ဒေါသ သမော၊ ဒေါသနှင့်တူသော၊ ဂဟော ဖမ်းယူတတ်သောသူသည်။
နတ္ထိ မရှိ။ မောဟသမံ မောဟနှင့်တူသော။ ဇာလံ ကွန်ရက်သည်။
နတ္ထိ မရှိ။ တဏှာ သမာ ။ တဏှာနှင့်တူသော နဒီ မြစ်သည် နတ္ထိ မရှိ။

ဒေသနာတော် အဆုံး၌ တရားတော်အား ရိုသေစွာ နာကြားသော
ဥပါသကာသည် သောတာပတ္တိဖိုလ်၌တည်လေ၏။

(အရှင်ဓမ္မသာမီဘိဝံသ ၏ ပုံတော်စုံ ဓမ္မပဒဝတ္ထုတော်ကြီး
ဥပါသကာ ငါးယောက်ဝတ္ထု မှ)

……………..

သံသရာတစ်လျှောက်လုံး ဘုရား တရား သံဃာလို့ မကြားဖူး
မနာဖူး မသိဖူးသဖြင့် တရားတော်အား ခုံမင်နှစ်လိုမရှိသောသူ
အဖြစ်မှ တရားတော်အား နာယူကြည်ညို မြတ်နိုးသူဖြစ်အောင်
ကြိုးစား၍ နာယူတော်မူနိုင်ကြပါစေ လေ့ကျက်နိုင်ကြပါစေ။

Credit to တတိယမြောက်သမီးတော်