အဘိဓမၼာ သိမွတ္ဖြယ္ (၄၄) (အဘိဓမ္မာ သိမှတ်ဖွယ် (၄၄))

အဘိဓမၼာတရားေတာ္ အေၾကာင္း သိမွတ္ဖြယ္ (၄၄)

--ဒါနျပဳရာ၌ အထူးမွတ္ဖြယ္--
(အဆက္)

ဘ၀ရဲ႕ ျပည့္စံုမႈကို ဒါနက အျပည့္အ၀ တာ၀န္ယူဖို႔ဆိုရင္ ေျပာျပီးတဲ့ အေၾကာင္းတစ္ခ်က္တည္းနဲ႔ မျပီးေသးပါဘူး။ ေနာက္ထပ္အေၾကာင္းတရားေတြက တန္းစီေနပါေသးတယ္။ ေနာက္ျပည့္စံုေအာင္ လုပ္ရမဲ့ အေၾကာင္းက (၂) ဒါနလုပ္တိုင္း ဥာဏ္ယွဥ္ထားဖို႔ လို႔အပ္ပါတယ္။ ဥာဏ္ယွဥ္ဆိုတာ ကိုယ္လုပ္တဲ့ အလုပ္ရဲ႕ အေျခအေနကို
(က) အက်ိဳးေပးႏိုင္တဲ့ အေျခအေနကို သိထားဖို႔ (ကံအက်ိဳးသိ)၊
(ခ) ကိုယ္ဘာလုပ္ေနတယ္ဆိုတာကို သိေနဖို႔ (အေၾကာင္းသိ) နဲ႕
(ဂ) အက်ိဳးရရင္ ဒုကၡေရာက္ႏိုင္သလို အေၾကာင္းေၾကာင့္ အက်ိဳးရခဲ့မယ္ဆိုရင္လဲ ဒုကၡကို ထပ္ဖန္တီးဦးမယ္ဆိုတာသိလို႔ အက်ိဳးနဲ႔ အေၾကာင္းကင္းရာျဖစ္တဲ့ ဒုကၡအာလံုး ကင္းရာ နိဗၺာန္ကိုပဲ အာရံုျပဳလွဴဒါန္းမႈ ကိုဆိုလိုတာပါ။

ဥာဏ္-အသိကြာရင္ အက်ိဳးေပးကြာျခားသလို ဘ၀အေျခအေနနဲ႔ အသိ အေတြးအေခၚေတြပါ ေျပာင္းလဲသြားတယ္ဆိုတာကို ဗုဒၶရဲ႕ဓမၼက ထပ္မံညႊန္ျပခဲ့ပါတယ္။ အကယ္လို႔ ကံ အက်ိဳးသိျဖစ္တဲ့ ဒါန လွဴဒါန္းမႈေၾကာင့္ လူျဖစ္ခ်င္မႈ၊ နတ္ျဖစ္ခ်င္မႈ လူ႔ဘ၀ေရာက္ခဲ့မယ္ဆိုရင္လဲ ခ်မ္းသာလိုမႈမ်ားဟာ အက်ိဳးကို ေမၽွာ္ကိုးတဲ့ ဒါနဥာဏ္ပါ။ ဒါကိုလဲ ဥာဏ္ယွဥ္တယ္လို႔ေျပာရပါတယ္။ ဘာျဖစ္လို႔ လဲဆိုေတာ့ ဒါနကံ အက်ိဳးကို သိေတလို႔ပါပဲ။ သိတာကို ဥာဏ္လို႔ ေခၚရတာေၾကာင့္ပါ။ ဒါေပမယ့္ ဒီဥာဏ္မ်ိဳးကိုေတာ့ ျပည့္စံုတဲ့ဥာဏ္လို႔ ေခၚလို႔ မရျပန္ပါဘူး။ တကယ္ေတာ့ ဒါနဆိုတဲ့ အေၾကာင္းတရားကို လုပ္မွေတာ့ ဒါနရဲ႕ အက်ိဳးကို ရပါေစ၊ ရရပါလို၏လို႔ ေတာင္းဆု ျပဳစရာကို မလိုေတာ့တာပါ။ ရႏိုင္တဲ့ အက်ိဳးကိုေတာင္းတာဟာ လုပ္ေနတဲ့ ဒါနအေၾကာင္းတရား အေပၚမွာ ယံုၾကည္မႈ=သဒၶါ အားနည္းေသးတယ္လို႔ ေျပာလို႔ရပါတယ္။

အားနည္းတဲ့ ဥာဏ္နဲ႔ လုပ္ခဲ့တဲ့ ဒါနတစ္ခုဟာ ျပည့္စံုတဲ့ အက်ိဳးကိုေပးေပမဲ့ ျပည္၀တဲ့ စိတ္ကိုေတာ့ ျဖည့္ေပးႏိုင္စြမ္းမရွိပါဘူး။ ဒီလို ကံ အက်ိဳးေမၽွာ္ကိုးတဲ့ ဥာဏ္မ်ိဳးနဲ႔ သာ ဒါနလုပ္ခဲ့မယ္ဆိုရင္ ကံအက်ိဳးျဖစ္တဲ့ ခ်မ္းသာမႈေတြ ျပည့္စံုလာတဲ့အခ်ိန္မွာ ဒါနအရွင္မ်ားဟာ ဘယ့္သူ႔ကိုမွ ဂရုမစိုက္ေတာတဲ့ မာန-ေထာင္လြား တက္ၾကြမႈ၊ ပိုမိုလိုခ်င္တဲ့ ေလာဘၾကီးမႈ၊ သူမ်ား ပစၥည္းကို အလြယ္တကူရလိုမႈ အဘိဇၥ်ာ စတဲ့ အကုသိုလ္စိတ္မ်ားနဲ႔ ဘ၀ကိုျဖတ္သန္းသြားရေတာ့မွာပါ။ ဒါ့အျပင္ အသိပါေျပာင္းသူ၊ ကံကို မယံုေတာ့တဲ့သူပါ ျဖစ္လာတတ္ပါတယ္။ ဘာျဖစ္လို႔လဲဆိုေတာ့ ဒါနအရွင္အေနနဲ႔ ဒါနလုပ္တုန္းက ပါလာတဲ့ ဥာဏ္-အသိဟာ အက်ိဳး ေပၚမွာပဲထားခဲ့၊ အာရံုစိုက္ခဲ့လို႔ပါ။ အက်ိဳးေပၚမွာ အာရံုစိုက္ခဲ့တဲ့ ဥာဏ္ေၾကာင့္ ရလာတဲ့ အက်ိဳးမ်ားဟာ ေျပာျပႏိႈင္းျပလို႔မရေအာင္ မ်ားႏိုင္ေပမယ့္ အဲ့ဒီပစၥည္းမ်ားက ပိုင္ရွင္ကို အသိတရားရေအာင္ လုပ္ေပးႏိုင္စြမ္း မရွိေတာ့ပါဘူး။ သူ႕ရဲ႕အသိဟာလဲ ပစၥည္းဥစၥာမွာပဲ အဆံုးသတ္သြားပါျပီ။ ဥာဏ္က ကံ အက်ိဳးေလာက္မွာပဲ ရပ္ခဲ့တာကိုး။

ဒါေၾကာင့္လဲပဲ အခုေခတ္မွာ ခ်မ္းသာၾကြယ္၀ေနၾကသူမ်ား ကိုယ္ခ်မ္းသာဖို႔ ကိုပဲၾကည့္ျပီး ေနာက္ျဖစ္လာမဲ့ အက်ိဳးကိုေတြးမၾကည္ပဲ ဘယ္သူေသေသ သေတမာရင္ျပီးေရာ လုပ္ေနၾကတူေပါ့။ အဲ့ဒီ ပုဂၢိဳလ္မ်ားကို ေက်ာင္းအစ္မ ၀ိသာခါရဲ႕စကားနဲ႔ ေျပာရရင္ အေဟာင္းစားလို႔ပဲ ေခၚရေတာ့မွာပါ။ အတတ္က လုပ္ခဲ့တဲ့ ကံအေဟာင္းကိုသာ စားေနသူမ်ားလို႔ ဆိုလိုတာပါ။ ဒါဆို အခု အသိဥာဏ္နဲလို႔ ကံအက်ိဳးကိုပဲ ေမၽွာ္ကိုးျပီး ဒါနလုပ္ခဲ့မယ္ဆိုရင္ အေဟာင္းစားဖို႔ ၾကိဳးစားေနသူမ်ားလို႔ ေခၚရေတာ့မွာေပါ့။ ဒါက (၂) နံပါတ္မွာပါတဲ့ (က) နံပါတ္ဥာဏ္ရဲ႕ အက်ိဳးေပးပါ။

-ဆက္လက္ေဖၚျပပါမည္။

[ပညာပါရမီ ဆရာေတာ္ အရွင္ဥာဏ၀ရ ေရးသားျပဳစုေသာ အဘိဓမၼာပိုခ်ခ်က္မ်ားမွ]

[Unicode]
အဘိဓမ္မာတရားတော် အကြောင်း သိမှတ်ဖွယ် (၄၄)

--ဒါနပြုရာ၌ အထူးမှတ်ဖွယ်--
(အဆက်)

ဘဝရဲ့ ပြည့်စုံမှုကို ဒါနက အပြည့်အ၀ တာဝန်ယူဖို့ဆိုရင် ပြောပြီးတဲ့ အကြောင်းတစ်ချက်တည်းနဲ့ မပြီးသေးပါဘူး။ နောက်ထပ်အကြောင်းတရားတွေက တန်းစီနေပါသေးတယ်။ နောက်ပြည့်စုံအောင် လုပ်ရမဲ့ အကြောင်းက (၂) ဒါနလုပ်တိုင်း ဉာဏ်ယှဉ်ထားဖို့ လို့အပ်ပါတယ်။ ဉာဏ်ယှဉ်ဆိုတာ ကိုယ်လုပ်တဲ့ အလုပ်ရဲ့ အခြေအနေကို
(က) အကျိုးပေးနိုင်တဲ့ အခြေအနေကို သိထားဖို့ (ကံအကျိုးသိ)၊
(ခ) ကိုယ်ဘာလုပ်နေတယ်ဆိုတာကို သိနေဖို့ (အကြောင်းသိ) နဲ့
(ဂ) အကျိုးရရင် ဒုက္ခရောက်နိုင်သလို အကြောင်းကြောင့် အကျိုးရခဲ့မယ်ဆိုရင်လဲ ဒုက္ခကို ထပ်ဖန်တီးဦးမယ်ဆိုတာသိလို့ အကျိုးနဲ့ အကြောင်းကင်းရာဖြစ်တဲ့ ဒုက္ခအာလုံး ကင်းရာ နိဗ္ဗာန်ကိုပဲ အာရုံပြုလှူဒါန်းမှု ကိုဆိုလိုတာပါ။

ဉာဏ်-အသိကွာရင် အကျိုးပေးကွာခြားသလို ဘဝအခြေအနေနဲ့ အသိ အတွေးအခေါ်တွေပါ ပြောင်းလဲသွားတယ်ဆိုတာကို ဗုဒ္ဓရဲ့ဓမ္မက ထပ်မံညွှန်ပြခဲ့ပါတယ်။ အကယ်လို့ ကံ အကျိုးသိဖြစ်တဲ့ ဒါန လှူဒါန်းမှုကြောင့် လူဖြစ်ချင်မှု၊ နတ်ဖြစ်ချင်မှု လူ့ဘဝရောက်ခဲ့မယ်ဆိုရင်လဲ ချမ်းသာလိုမှုများဟာ အကျိုးကို မျှော်ကိုးတဲ့ ဒါနဉာဏ်ပါ။ ဒါကိုလဲ ဉာဏ်ယှဉ်တယ်လို့ပြောရပါတယ်။ ဘာဖြစ်လို့ လဲဆိုတော့ ဒါနကံ အကျိုးကို သိတေလို့ပါပဲ။ သိတာကို ဉာဏ်လို့ ခေါ်ရတာကြောင့်ပါ။ ဒါပေမယ့် ဒီဉာဏ်မျိုးကိုတော့ ပြည့်စုံတဲ့ဉာဏ်လို့ ခေါ်လို့ မရပြန်ပါဘူး။ တကယ်တော့ ဒါနဆိုတဲ့ အကြောင်းတရားကို လုပ်မှတော့ ဒါနရဲ့ အကျိုးကို ရပါစေ၊ ရရပါလို၏လို့ တောင်းဆု ပြုစရာကို မလိုတော့တာပါ။ ရနိုင်တဲ့ အကျိုးကိုတောင်းတာဟာ လုပ်နေတဲ့ ဒါနအကြောင်းတရား အပေါ်မှာ ယုံကြည်မှု=သဒ္ဓါ အားနည်းသေးတယ်လို့ ပြောလို့ရပါတယ်။

အားနည်းတဲ့ ဉာဏ်နဲ့ လုပ်ခဲ့တဲ့ ဒါနတစ်ခုဟာ ပြည့်စုံတဲ့ အကျိုးကိုပေးပေမဲ့ ပြည်ဝတဲ့ စိတ်ကိုတော့ ဖြည့်ပေးနိုင်စွမ်းမရှိပါဘူး။ ဒီလို ကံ အကျိုးမျှော်ကိုးတဲ့ ဉာဏ်မျိုးနဲ့ သာ ဒါနလုပ်ခဲ့မယ်ဆိုရင် ကံအကျိုးဖြစ်တဲ့ ချမ်းသာမှုတွေ ပြည့်စုံလာတဲ့အချိန်မှာ ဒါနအရှင်များဟာ ဘယ့်သူ့ကိုမှ ဂရုမစိုက်တောတဲ့ မာန-ထောင်လွား တက်ကြွမှု၊ ပိုမိုလိုချင်တဲ့ လောဘကြီးမှု၊ သူများ ပစ္စည်းကို အလွယ်တကူရလိုမှု အဘိဇ္ဈာ စတဲ့ အကုသိုလ်စိတ်များနဲ့ ဘဝကိုဖြတ်သန်းသွားရတော့မှာပါ။ ဒါ့အပြင် အသိပါပြောင်းသူ၊ ကံကို မယုံတော့တဲ့သူပါ ဖြစ်လာတတ်ပါတယ်။ ဘာဖြစ်လို့လဲဆိုတော့ ဒါနအရှင်အနေနဲ့ ဒါနလုပ်တုန်းက ပါလာတဲ့ ဉာဏ်-အသိဟာ အကျိုး ပေါ်မှာပဲထားခဲ့၊ အာရုံစိုက်ခဲ့လို့ပါ။ အကျိုးပေါ်မှာ အာရုံစိုက်ခဲ့တဲ့ ဉာဏ်ကြောင့် ရလာတဲ့ အကျိုးများဟာ ပြောပြနှိုင်းပြလို့မရအောင် များနိုင်ပေမယ့် အဲ့ဒီပစ္စည်းများက ပိုင်ရှင်ကို အသိတရားရအောင် လုပ်ပေးနိုင်စွမ်း မရှိတော့ပါဘူး။ သူ့ရဲ့အသိဟာလဲ ပစ္စည်းဥစ္စာမှာပဲ အဆုံးသတ်သွားပါပြီ။ ဉာဏ်က ကံ အကျိုးလောက်မှာပဲ ရပ်ခဲ့တာကိုး။

ဒါကြောင့်လဲပဲ အခုခေတ်မှာ ချမ်းသာကြွယ်ဝနေကြသူများ ကိုယ်ချမ်းသာဖို့ ကိုပဲကြည့်ပြီး နောက်ဖြစ်လာမဲ့ အကျိုးကိုတွေးမကြည်ပဲ ဘယ်သူသေသေ သတေမာရင်ပြီးရော လုပ်နေကြတူပေါ့။ အဲ့ဒီ ပုဂ္ဂိုလ်များကို ကျောင်းအစ်မ ဝိသာခါရဲ့စကားနဲ့ ပြောရရင် အဟောင်းစားလို့ပဲ ခေါ်ရတော့မှာပါ။ အတတ်က လုပ်ခဲ့တဲ့ ကံအဟောင်းကိုသာ စားနေသူများလို့ ဆိုလိုတာပါ။ ဒါဆို အခု အသိဉာဏ်နဲလို့ ကံအကျိုးကိုပဲ မျှော်ကိုးပြီး ဒါနလုပ်ခဲ့မယ်ဆိုရင် အဟောင်းစားဖို့ ကြိုးစားနေသူများလို့ ခေါ်ရတော့မှာပေါ့။ ဒါက (၂) နံပါတ်မှာပါတဲ့ (က) နံပါတ်ဉာဏ်ရဲ့ အကျိုးပေးပါ။

-ဆက်လက်ဖေါ်ပြပါမည်။

[ပညာပါရမီ ဆရာတော် အရှင်ဉာဏဝရ ရေးသားပြုစုသော အဘိဓမ္မာပိုချချက်များမှ]