စံတင္ရေသာ ဓမၼအျမင္မ်ား (စံတင်ရသော ဓမ္မအမြင်များ)

[Zawgyi]

စံတင္ရေသာ ဓမၼအျမင္မ်ား

ေကာသလတိုင္း၊ သာဝတၳိျပည္အနီး၊ ေဇတဝန္ေက်ာင္းႏွင့္ ဆက္စပ္ေနေသာ ေတာၾကီးတစ္ေတာ႐ွိသည္။ ထိုေတာၾကီးထဲတြင္ ဘိကၡဳနီ ရဟႏၱာ အ႐ွင္မသုံးဦး တရားအားထုတ္လ်က္ေနသည္။ ဆာလာ၊ ဥပဆာလာႏွင့္ သီသူပဆာလာ အမည္အသီးသီး႐ွိၾကသည့္ အ႐ွင္သာရိပုတၱရာ၏ ႏွမေတာ္မ်ားပင္ျဖစ္ၾကသည္။ ေႏွာက္ယွက္လိုေသာ စိတ္ျဖင့္ မာရ္နတ္သည္ အျခား ပုဂၢိဳလ္ဟန္ေဆာင္ကာ ဘိကၡဳနီမတစ္ဦးခ်င္းအား ေမးခြန္းမ်ားလိုက္လံ ေမးျမန္းသည္။

မာရ္နတ္
အသင္ မႏွစ္သက္တာဘာလဲ။

ဆာလာ
ပဋိသေႏၶေနရျခင္းဆိုတဲ့ ဇာတိတရားကို မႏွစ္သက္ပါ။

မာရ္နတ္
ဇာတိတရားကို ဘာေၾကာင့္ မႏွစ္သက္ရတာလဲ။ ေမြးဖြားျပီး လူရယ္လို႔ျဖစ္လာမွ ကာမဂုဏ္ ခ်မ္းသာကို ခံစားႏိုင္ေတာ့ မွာေပါ့။ မေမြးဖြားခဲ့ရင္ ဘယ္လာခံစားႏိုင္မွာတုံး။ ဘယ္လို လူမိုက္က သင့္ကို ဒီအယူ ခံယူေစခဲ့တာလဲ။

ဆာလာ
ေလာကမွာ ေမြးဖြားလာတဲ့ ပုဂၢိဳလ္တိုင္းဟာ မေသရဘူးဆိုတာ မ႐ွိ၊ ေသရမွာျဖစ္တယ္။ ဇာတိ တရားရဲ႕ေနာက္ဆုံးလမ္းက မရဏပဲ။ ဒါတြင္မဟုတ္ေသးဘူး၊ မေသခင္ အိုရ နာရ၊ တခ်ဳိ႕ဆို ဖမ္းဆီးခ်ဳပ္ေႏွာင္ ခံရ၊ ညွဥ္းဆဲသတ္ျဖတ္ခံရနဲ ့ခံလိုက္ရတဲ့ ဆင္းရဲဒုကၡ၊ ေမြးဖြားလာလို ့ျဖစ္ရတဲ့ ဆင္းရဲဒုကၡေတြ မ်ားလွပါ့။ ဒါေၾကာင့္၊ ဇာတိ တရားကို မၾကိဳက္တာျဖစ္တယ္။ သစၥာေလး ပါးကို သိျမင္တဲ့ ျမတ္စြာဘုရားဟာ ဇာတိ မွ လြတ္ေျမာက္ ေၾကာင္းနည္းလမ္းျဖစ္တဲ့ ဓမၼကို ေဟာၾကားခဲ့တယ္။ ဆင္းရဲ ဒုကၡအားလုံးကို ဖယ္႐ွားႏိုင္ဖို ့အမွန္လမ္းေပၚကို တင္ေပးခဲ့ တယ္။ သက္တမ္း အလြန္႐ွည္ၾကာတဲ့ ႐ူပ၊ အ႐ူပဘုံက ျဗဟၼာေတြ ေတာင္မွ သစၥာမသိရင္ ဘဝသစ္ကို ေရာက္ၾကရဦးမွာပဲ။

မာရ္နတ္သည္ လက္ေလွ်ာ့ကာ ဒုတိယ ဘိကၡဳနီဥပဆာလာထံ သြားေလသည္။

မာရ္နတ္
အသင္ ဘယ္ဘံုဘဝမွာ ျဖစ္ခ်င္သလဲ။

ဥပဆာလာ
ဘယ္ဘုံဘဝမွာမွ မျဖစ္ခ်င္ပါ။

မာရ္နတ္
နတ္ျပည္ေျခာက္ထပ္ကို ေတာင့္တလိုက္ပါ။ အဲဒီ နတ္ျပည္ေတြမွာ ကာမခ်မ္းသာ အျပည့္အဝ ႐ွိပါတယ္။

ဥပဆာလာ
ထိုနတ္အေပါင္းတို႔ဟာ ကာမဂုဏ္ေႏွာင္ၾကိဳးေတြနဲ ့ေႏွာင္ဖြဲ ့ခံထားရလို ့အလိုဆႏၵေနာက္ကို လိုက္ေနရတဲ့အတြက္ အဲဒီ ေနရာကကို မခြါႏိုင္ၾကပါဘူး။ ဒါေၾကာင့္ လြတ္လပ္တဲ့သူေတြ မဟုတ္ၾကပါ။ ဓမၼအျမင္နဲ ့ၾကည့္ရင္ ေလာကၾကီး တစ္ခုလုံးဟာ ကိေလသာမီးေတြ အလွ်ံတေျပာင္ေျပာင္နဲ ့ပူေလာင္ေနပါတယ္။
တဏွာ၊ ဒိ႒ိတို႔နဲ ့တုန္လႈပ္ေနပါတယ္။ ဘယ္ေလာကမွ ခ်မ္းသာ တာမ႐ွိ၊ ျဖစ္ရာဘဝမွာ ေလာင္ေန၊ တုန္လႈပ္ေနၾကရတာ ခ်ည္း ပါ။ ကိေလသာမီး ေတာက္ေလာင္ျခင္းမ႐ွိတဲ့၊ ပုထုဇဥ္တို႔ မမွီဝဲႏိုင္တဲ့၊ မာရ္နတ္လည္း လာမေႏွာက္ယွက္ႏိုင္တဲ့၊ အျမဲေပ်ာ္ ပိုက္ႏွစ္ျခိဳက္ စရာ ေအးျမတဲ့ အရပ္ဆိုတာ႐ွိပါတယ္။ အဲဒါ နိဗၺာန္ပါပဲ။

မာရ္နတ္လည္း မဟန္မွန္းသိသည္ႏွင့္ ဘိကၡဳနီသီသူပဆာလာထံ သြားျပန္၏။

မာရ္နတ္
အသင္ ဘယ္အယူဝါဒကို ႏွစ္သက္သလဲ။

သီသူပဆာလာ
ဗုဒၶသာသနာေတာ္ရဲ ့အပမွာ မိစၧာအယူဝါဒဆိုတာ ထင္႐ွား႐ွိ တယ္။ လကၡံက်င့္သုံးသူ ေတြဟာ ဒီအယူဝါဒမွာ စြဲလန္းနစ္ျမဳပ္ ေနၾကတယ္။ အမွန္တရားနဲ ့ပတ္သက္ျပီး ကၽြမ္းက်င္လိမၼာမႈ မ႐ွိၾကလို႔ပဲ။ ဒီမိစၧာအယူဝါဒကို ငါမႏွစ္သက္ပါ။

မာရ္နတ္
သင္ႏွစ္သက္ရာကို ေျပာပါ။ ဝတ္ဆင္ထားတာကို ၾကည့္ရတာ ကိေလသာ ျငိမ္းေအာင္ က်င့္ၾကံေနသူလို႔ေတာ့ ထင္ရပါရဲ႕။ သင့္ဆံေကသာ ရိတ္ပယ္လာခဲ့တာ ဘယ္ဆရာကို ဦးတည္ျပီး လာခဲ့တာလဲ။

သီသူပဆာလာ
သာကီ၀င္္မင္းမ်ိဳးမွ ေမြးဖြားလာျပီး၊ ျပိဳင္ဖက္မ႐ွိ၊ အရာရာကို လႊမ္းမိုးႏိုင္သလို၊ ကိေလသာ မ်ိဳးစုံကို ပယ္ရာမွာ ဘယ္ေတာ့မွ အ႐ႈံးမေပးတဲ့အတြက္ ကိေလသာအလုံးစုံကိုပယ္ႏိုင္တဲ့ ျမတ္ စြာဘုရား ေလာကမွာ ထင္႐ွား႐ွိပါတယ္။
ကိေလသာတို ့မွ လြတ္ေျမာက္ကာ၊ တဏွာ၊ ဒိ႒ိ စြဲျငိျခင္းမ႐ွိတဲ့ ဘုရား႐ွင္ဟာ၊ တရားအကုန္ သိေတာ္မူသူျဖစ္တယ္။ ကံမ႐ွိတဲ့ အရဟတၱဖိုလ္ နိဗၺာန္၌ လြတ္ေျမာက္ျပီးျဖစ္တဲ့ ဘုန္းေတာ္ ၾကီးျမတ္ေသာ ဘုရား႐ွင္ဟာ ငါ့ရဲ ့ဆရာပါပဲ။ ဒီဆရာကို ရည္စူးၿပီး ငါ့ရဲ႕ဆံေကသာကို ရိတ္ပယ္ကာ ဘိကၡဳနီ ဝတ္ခဲ့တယ္။

ဘိကၡဳနီ ရဟႏၲာ႐ွင္မ သုံးဦး၏ စံတင္ရေသာ ဓမၼအျမင္မ်ားေၾကာင့္ မာရ္နတ္သည္ စိတ္ပ်က္ဝမ္းနည္းစြာ ထြက္ခြါသြားေတာ့သည္။

- ေဒါက္တာ ဘဒၵႏၲ နႏၵမာလာဘိဝံသ၊
( အ႐ွင္သာရိပုတၱရာ၏ ႏွမေတာ္မ်ား၏ ဓမၼအျမင္မ်ား တရားေတာ္ )

Credit: Original

[Unicode]
စံတင်ရသော ဓမ္မအမြင်များ

ကောသလတိုင်း၊ သာဝတ္ထိပြည်အနီး၊ ဇေတဝန်ကျောင်းနှင့် ဆက်စပ်နေသော တောကြီးတစ်တောရှိသည်။ ထိုတောကြီးထဲတွင် ဘိက္ခုနီ ရဟန္တာ အရှင်မသုံးဦး တရားအားထုတ်လျက်နေသည်။ ဆာလာ၊ ဥပဆာလာနှင့် သီသူပဆာလာ အမည်အသီးသီးရှိကြသည့် အရှင်သာရိပုတ္တရာ၏ နှမတော်များပင်ဖြစ်ကြသည်။ နှောက်ယှက်လိုသော စိတ်ဖြင့် မာရ်နတ်သည် အခြား ပုဂ္ဂိုလ်ဟန်ဆောင်ကာ ဘိက္ခုနီမတစ်ဦးချင်းအား မေးခွန်းများလိုက်လံ မေးမြန်းသည်။

မာရ်နတ်
အသင် မနှစ်သက်တာဘာလဲ။

ဆာလာ
ပဋိသန္ဓေနေရခြင်းဆိုတဲ့ ဇာတိတရားကို မနှစ်သက်ပါ။

မာရ်နတ်
ဇာတိတရားကို ဘာကြောင့် မနှစ်သက်ရတာလဲ။ မွေးဖွားပြီး လူရယ်လို့ဖြစ်လာမှ ကာမဂုဏ် ချမ်းသာကို ခံစားနိုင်တော့ မှာပေါ့။ မမွေးဖွားခဲ့ရင် ဘယ်လာခံစားနိုင်မှာတုံး။ ဘယ်လို လူမိုက်က သင့်ကို ဒီအယူ ခံယူစေခဲ့တာလဲ။

ဆာလာ
လောကမှာ မွေးဖွားလာတဲ့ ပုဂ္ဂိုလ်တိုင်းဟာ မသေရဘူးဆိုတာ မရှိ၊ သေရမှာဖြစ်တယ်။ ဇာတိ တရားရဲ့နောက်ဆုံးလမ်းက မရဏပဲ။ ဒါတွင်မဟုတ်သေးဘူး၊ မသေခင် အိုရ နာရ၊ တချို့ဆို ဖမ်းဆီးချုပ်နှောင် ခံရ၊ ညှဉ်းဆဲသတ်ဖြတ်ခံရနဲ့ခံလိုက်ရတဲ့ ဆင်းရဲဒုက္ခ၊ မွေးဖွားလာလို့ဖြစ်ရတဲ့ ဆင်းရဲဒုက္ခတွေ များလှပါ့။ ဒါကြောင့်၊ ဇာတိ တရားကို မကြိုက်တာဖြစ်တယ်။ သစ္စာလေး ပါးကို သိမြင်တဲ့ မြတ်စွာဘုရားဟာ ဇာတိ မှ လွတ်မြောက် ကြောင်းနည်းလမ်းဖြစ်တဲ့ ဓမ္မကို ဟောကြားခဲ့တယ်။ ဆင်းရဲ ဒုက္ခအားလုံးကို ဖယ်ရှားနိုင်ဖို့အမှန်လမ်းပေါ်ကို တင်ပေးခဲ့ တယ်။ သက်တမ်း အလွန်ရှည်ကြာတဲ့ ရူပ၊ အရူပဘုံက ဗြဟ္မာတွေ တောင်မှ သစ္စာမသိရင် ဘဝသစ်ကို ရောက်ကြရဦးမှာပဲ။

မာရ်နတ်သည် လက်လျှော့ကာ ဒုတိယ ဘိက္ခုနီဥပဆာလာထံ သွားလေသည်။

မာရ်နတ်
အသင် ဘယ်ဘုံဘဝမှာ ဖြစ်ချင်သလဲ။

ဥပဆာလာ
ဘယ်ဘုံဘဝမှာမှ မဖြစ်ချင်ပါ။

မာရ်နတ်
နတ်ပြည်ခြောက်ထပ်ကို တောင့်တလိုက်ပါ။ အဲဒီ နတ်ပြည်တွေမှာ ကာမချမ်းသာ အပြည့်အဝ ရှိပါတယ်။

ဥပဆာလာ
ထိုနတ်အပေါင်းတို့ဟာ ကာမဂုဏ်နှောင်ကြိုးတွေနဲ့နှောင်ဖွဲ့ခံထားရလို့အလိုဆန္ဒနောက်ကို လိုက်နေရတဲ့အတွက် အဲဒီ နေရာကကို မခွါနိုင်ကြပါဘူး။ ဒါကြောင့် လွတ်လပ်တဲ့သူတွေ မဟုတ်ကြပါ။ ဓမ္မအမြင်နဲ့ကြည့်ရင် လောကကြီး တစ်ခုလုံးဟာ ကိလေသာမီးတွေ အလျှံတပြောင်ပြောင်နဲ့ပူလောင်နေပါတယ်။
တဏှာ၊ ဒိဋ္ဌိတို့နဲ့တုန်လှုပ်နေပါတယ်။ ဘယ်လောကမှ ချမ်းသာ တာမရှိ၊ ဖြစ်ရာဘဝမှာ လောင်နေ၊ တုန်လှုပ်နေကြရတာ ချည်း ပါ။ ကိလေသာမီး တောက်လောင်ခြင်းမရှိတဲ့၊ ပုထုဇဉ်တို့ မမှီဝဲနိုင်တဲ့၊ မာရ်နတ်လည်း လာမနှောက်ယှက်နိုင်တဲ့၊ အမြဲပျော် ပိုက်နှစ်ခြိုက် စရာ အေးမြတဲ့ အရပ်ဆိုတာရှိပါတယ်။ အဲဒါ နိဗ္ဗာန်ပါပဲ။

မာရ်နတ်လည်း မဟန်မှန်းသိသည်နှင့် ဘိက္ခုနီသီသူပဆာလာထံ သွားပြန်၏။

မာရ်နတ်
အသင် ဘယ်အယူဝါဒကို နှစ်သက်သလဲ။

သီသူပဆာလာ
ဗုဒ္ဓသာသနာတော်ရဲ့အပမှာ မိစ္ဆာအယူဝါဒဆိုတာ ထင်ရှားရှိ တယ်။ လက္ခံကျင့်သုံးသူ တွေဟာ ဒီအယူဝါဒမှာ စွဲလန်းနစ်မြုပ် နေကြတယ်။ အမှန်တရားနဲ့ပတ်သက်ပြီး ကျွမ်းကျင်လိမ္မာမှု မရှိကြလို့ပဲ။ ဒီမိစ္ဆာအယူဝါဒကို ငါမနှစ်သက်ပါ။

မာရ်နတ်
သင်နှစ်သက်ရာကို ပြောပါ။ ဝတ်ဆင်ထားတာကို ကြည့်ရတာ ကိလေသာ ငြိမ်းအောင် ကျင့်ကြံနေသူလို့တော့ ထင်ရပါရဲ့။ သင့်ဆံကေသာ ရိတ်ပယ်လာခဲ့တာ ဘယ်ဆရာကို ဦးတည်ပြီး လာခဲ့တာလဲ။

သီသူပဆာလာ
သာကီဝင်မင်းမျိုးမှ မွေးဖွားလာပြီး၊ ပြိုင်ဖက်မရှိ၊ အရာရာကို လွှမ်းမိုးနိုင်သလို၊ ကိလေသာ မျိုးစုံကို ပယ်ရာမှာ ဘယ်တော့မှ အရှုံးမပေးတဲ့အတွက် ကိလေသာအလုံးစုံကိုပယ်နိုင်တဲ့ မြတ် စွာဘုရား လောကမှာ ထင်ရှားရှိပါတယ်။
ကိလေသာတို့မှ လွတ်မြောက်ကာ၊ တဏှာ၊ ဒိဋ္ဌိ စွဲငြိခြင်းမရှိတဲ့ ဘုရားရှင်ဟာ၊ တရားအကုန် သိတော်မူသူဖြစ်တယ်။ ကံမရှိတဲ့ အရဟတ္တဖိုလ် နိဗ္ဗာန်၌ လွတ်မြောက်ပြီးဖြစ်တဲ့ ဘုန်းတော် ကြီးမြတ်သော ဘုရားရှင်ဟာ ငါ့ရဲ့ဆရာပါပဲ။ ဒီဆရာကို ရည်စူးပြီး ငါ့ရဲ့ဆံကေသာကို ရိတ်ပယ်ကာ ဘိက္ခုနီ ဝတ်ခဲ့တယ်။

ဘိက္ခုနီ ရဟန္တာရှင်မ သုံးဦး၏ စံတင်ရသော ဓမ္မအမြင်များကြောင့် မာရ်နတ်သည် စိတ်ပျက်ဝမ်းနည်းစွာ ထွက်ခွါသွားတော့သည်။

- ဒေါက်တာ ဘဒ္ဒန္တ နန္ဒမာလာဘိဝံသ၊
( အရှင်သာရိပုတ္တရာ၏ နှမတော်များ၏ ဓမ္မအမြင်များ တရားတော် )

Credit: Original