နတ္ တို႔ အေၾကာင္း (နတ် တို့ အကြောင်း)

[Zawgyi]

--နတ္ တို႔ အေၾကာင္း--

။ဗုဒၶဘာသာလို႔ ထည့္ေျပာထားလို႔ ဗုဒၶဘာသာပိုင္းကပဲ ဝင္ေျပာပါမယ္။

နတ္ဆိုတာတကယ္ေတာ့ စြမ္းအား႐ွိဝိညာဥ္တေစၦတစ္မ်ဳိးပါဆိုတာကိုအရင္႐ွင္းမယ္သူကေတာ့ဘယ္က်မ္းကေျပာတယ္မသိ ကိုယ္လည္းတကယ္ျမင္ဖူးတာမဟုတ္ေတာ့
စာထဲကပဲ ေျပာရတာေပါ့နတ္ကိုလည္း တစ္မ်ဳိးတည္း႐ွိတယ္လို႔ ယူဆထားပံုရတယ္

နတ္ျပည္ ၆ထပ္ရဲ႕ စည္းစိမ္နဲ႔ သက္တမ္းေလး နည္းနည္းေျပာျပမယ္။

☆စတုမဟာရာဇ္နတ္ျပည္ဆိုတာ ျမင္းမိုရ္ေတာင္ရဲ႕ အလယ္မွာရွိတယ္။
ဓတရ႒၊ ဝိရုဠွက၊ ဝိရူပကၡ၊ ကုေဝရဆိုတဲ့ နတ္မင္းႀကီး ေလးပါးက အုပ္ခ်ဳပ္တယ္။
စတုမဟာရာဇ္နတ္ေတြဆိုတာ အလြန္တန္ခိုးႀကီးတယ္။
သက္တမ္းက ႏွစ္ေပါင္း ၅၀၀ ရွိတယ္။
လူသက္နဲ႔ဆို အႏွစ္ ၉သန္းရွိတယ္။

ရုကၡစိုး ဘုမၼစိုးဆိုတာ ရွိတယ္

ဘုမၼစိုးဆိုတာ ဘူမိယံ+ဘဝါ ။ဘုမၼာ။
ေျမ၌+ျဖစ္ေသာနတ္။ေျမ၌ျဖစ္ေသာနတ္။
ေျမႀကီးနဲ႔ဆက္ႏြယ္သမၽွ သစ္ပင္ ေတာ ေတာင္ ေရ ေျမမွာ
ရွိသမၽွ နတ္အားလံုး။

ရုကၡေဒဝ - ရုကၡဇိုဝ္း(ရုကၡစိုး)နတ္ဆိုတာကလည္း
ေျမႀကီးနဲ႔ ဆင္စပ္တဲ့ သစ္ပင္မွာေနလို႔ ဘုမၼေဒဝပဲ။
သူတို႔က အနိမ့္ဆံုးနတ္ဘံုျဖစ္တဲ့ စတုမဟာရာဇ္ရဲ႕
လက္ေအာက္ခံေတြ။ ဘယ္နတ္နဲ႔ေတြ႕ေတြ႕ သူတို႔က
အနိမ့္စာရင္းထဲကပဲ။

ဘုမၼေဒဝနတ္ေတြလည္း လူေတြလိုပဲ သက္တမ္းကမျမဲဘူး။
တခ်ဳိ႕ အသေခ်ၤယ်တမ္းအထိရွည္တယ္။
တခ်ဳိ႕ ခုနစ္ရက္နဲ႔ ေသတယ္။
ကံအလိုက္ပဲ။

သူတို႔ထဲမွာ နတ္ေသးနတ္မႊား နတ္ၿပိတၱာေလးေတြပါတယ္ အသူရကာယ္‌နတ္ပါတယ္ အသူရာနတ္ပါတယ္ ယမမင္းဆိုတာလည္း ဒီထဲက ေဝမာနိကၿပိတၱာမင္းႀကီးပဲ သူက ကုသိုလ္႐ွိရဲ႕နဲ႔ အကုသိုလ္ေဇာနဲ႔ ငရဲေရာက္လာသူေတြကို ကုသိုလ္စိတ္ျပန္ေဖာ္ေပးတဲ့တာဝန္ယူထားတယ္ အကုသိုလ္ႀကီးၿပီး.ငရဲတိုက္႐ိုက္က်သူေတြ သူနဲ႔မေတြ႔ရဘူး သူကငရဲႀကီးမွာလည္းမေနဘူး ငရဲငယ္မွာေနတယ္ သူလည္းအကုသိုလ္ကံပါရင္ ဒုကၡခံရေသးတယ္

☆တာဝတႎသာ သူ႔ထက္ပိုၿပီးျမင့္တယ္။ ျမင္းမိုရ္ေတာင္ထိပ္မွာ ရွိတယ္။
သိၾကားမင္း ဦးမဃနဲ႔တကြ ၃၃ေယာက္ေသာနတ္မင္းႀကီးတို႔ အုပ္စိုးတယ္။
အေခါင္နတ္မင္းကေတာ့ ဦးမဃပဲ။ (မာဃမဟုတ္ မဃသာအမွန္)
တျခားနတ္မင္းေတြလည္းရွိတယ္။ နတ္သားတစ္ေယာက္ေတာင္မွ နတ္သမီးအေႁခြအရံ
၅၀၀ ျခံရံၿပီး ကာမဂုဏ္ခ်မ္းသာကို ခံစားတယ္။
သက္တမ္းက ႏွစ္၁၀၀၀ လူလိုတြက္ရင္ ၃ကုေဋ၆သန္းရွိတယ္။

☆ယာမာကေနစၿပီး ဘံုဗိမာန္ေတြဟာ ေကာင္းကင္ယံမွာတည္တယ္။
ယာမာနတ္ေတြကို ဆင္းရဲျခင္းကင္းေသာနတ္ေတြလို႔ေခၚတယ္။
နတ္ခ်မ္းသာကိုခ်ည့္ သီးသန္႔ခံစားတဲ့နတ္ေတြ။
သက္တမ္းက ႏွစ္ ၂၀၀၀ လူလိုတြက္ရင္ ၁၄ကုေဋ၄သန္းရွိတယ္။
နတ္ဘံုတိုင္းမွာ ကိုယ့္ နတ္မင္းႀကီးနဲ႔ကိုယ္ရွိတယ္။
ယာမာ နတ္ျပည္အတြက္ေတာ့ သုယာမနတ္မင္းက အေခါင္နတ္မင္းႀကီးပဲ။

☆တုသိတာနတ္ျပည္ဆိုတာ အလြန္ႏွစ္သက္ရႊင္လန္းတယ္။
ဘုရားေလာင္းနဲ႔ မယ္ေတာ္ေဟာင္းေတြဒီဘံုမွာ လာျဖစ္ၾကတယ္။
အေခါင္နတ္မင္းႀကီးက သႏၲဳႆိတနတ္မင္းပဲ။
သက္တမ္းက ႏွစ္ ၄၀၀၀ လူလိုဆို ၅၇ကုေဋ၆သန္းရွိတယ္။

☆နိမၼာနရတိနတ္ျပည္ဆိုတာ ကိုယ့္စည္းစိမ္ကိုယ္စိတ္ႀကိဳက္ ဖန္တီးလို႔ရတယ္။
ေအာက္ကနတ္ျပည္ေတြက ကိုယ့္ကုသိုလ္ကံအလိုက္ ဘံုဗိမာန္ အစရွိသျဖင့္ ရတယ္။
ဒီနတ္ျပည္ကေတာ့ စိတ္ႀကိဳက္ ဖန္တီးၿပီး ခံစားလို႔ရတယ္။
လိုတာထက္ပိုၿပီးခံစားလို႔ရတယ္။
သက္တမ္းက ႏွစ္ ၈၀၀၀ လူလိုဆို ၂၃၀ကုေဋ၄သန္းရွိတယ္။
ေက်ာင္းတကာမႀကီး ဝိသာခါ ေသေတာ့ ဒီဘံုကို ေရာက္တယ္။

☆ပရနိမၼိတဝႆဝတီနတ္ျပည္က နတ္ျပည္ ၆ထပ္မွာ အျမင့္ဆံုးပဲ။
စည္းစိမ္ကလည္း ကိုယ္တိုင္ေတာင္ဖန္ဆင္းစရာမလိုဘူး။
ကၽြန္အေစအပါးနတ္ေတြက ဖန္ဆင္းေပးတယ္။
သူတို႔က လိုတာထက္ပိုၿပီး ခံစားခ်င္ရင္ေတာင္ သူမ်ားဖန္ဆင္းေပးရတယ္။
သက္တမ္းက ႏွစ္ေပါင္း ၁၆၀၀၀ လူလို ၉၂၁သန္းအထိ ရွည္ၾကာတယ္။
မာရ္နတ္က ဒီဘံုမွာေနတယ္။ အေခါင္နတ္မင္းႀကီးေတာ့ မဟုတ္ဘူး။
မာရ္နတ္သားပဲ။ အေခါင္နတ္မင္းႀကီးက ဝႆဝတီနတ္မင္းႀကီး သပ္သပ္ရွိတယ္။

ဒီေတာ့ နတ္ဆိုတာတကယ္ေတာ့ စြမ္းအား႐ွိဝိညာဥ္တေစၦတစ္မ်ဳိးပါဆိုတာ
က်န္တဲ့နတ္ေတြအေၾကာင္း မၾကားဖူးပဲ စတုမဟာရာဇ္လက္ေအာက္ခံ ၿပိတၱာအႏြယ္
နတ္ေသးနတ္မႊားေလးေတြေလာက္ပဲ ၾကားဖူးၿပီး ဝါးလံုးသိမ္း႐ိုက္လိုက္ပံုပါပဲ

ဖုတ္သြင္းတာ ဝင္ပူးတာ စိတ္ညႇိဳ႕တာကေတာ့ ေအာက္လမ္းဆရာေတြလည္း လုပ္တတ္ပါတယ္
ေကာင္းေကာင္းကန္းကန္း ပထဝီကသိုဏ္းဘာညာ ႐ႈၿပီး ပထမဈာန္ကေနမွ ဈာန္အဂၤါေတြေလွ်ာ့ခ်
ေဝဒနာေက်ာ္ၿပီး ပဥၥမဈာန္ရ ပဥၥမဈာန္ကေန အဘိညာဥ္ကို ကူးတာမွ အဆင့္အတန္းျမင့္ျမင့္
တန္ခိုးဣဒၶိပါဒ္နဲ႔ ဘာနဲ႔ ႐ွိေသး
သိပ္ေတာ့မလြယ္လွဘူး ေျပာသေလာက္မလြယ္လွဘူး
ပါရမီမွမ႐ွိရင္ေတာ့ အရင္ဆံုး ဝသီေဘာ္ငါးတန္ကို ေလ့က်င့္ဦး

အေနာက္တိုင္းမွာ စြမ္းအားလို႔ပဲေခၚေခၚ ဝိညာဥ္လို႔ပဲေခၚေခၚ
ဗုဒၶဘာသာက အသက္ ဝိညာဥ္ လိပ္ျပာကို လက္မခံဘူး
ဝိညာဏ္ေတာ့႐ွိတယ္ ဝိဉာဏကၡႏၶာ.§.စိတ္
ဒါေပမယ့္ သူကလည္း သူ႔ခ်ည့္မေနဘူး က်န္တဲ့ နာမ္ခႏၶေတြပါ
တြဲလ်က္ပါတယ္ ဝိညာဏကၡႏၶာလာတာနဲ႔ ေဝဒနကၡႏၶာ သညကၡႏၶာ
သခၤါရကၡႏၶာ ေတြပါ ပါၿပီးသား သေဘာကေတာ့ စိတ္ျဖစ္တာနဲ႔
ေစတသိက္ ပါၿပီးသားဆိုပါေတာ့

ဒီေလာက္ဆို နတ္အေၾကာင္း ေကာင္းေကာင္းသိၿပီး
ဝိညာဥ္ကို လက္မခံတဲ့ ဗုဒၶဘာသာဆိုတဲ့အခ်က္က
ျမန္မာေတြက ဗုဒၶဘာသာျဖစ္တာကတစ္ေၾကာင္း
ဝိညာဥ္ေတြကိုလည္း ကိုးကြယ္ခ်င္ျပန္ဆိုေတာ့
အဲ့ဟာေတြကို နတ္လို႔ ယူဆလိုက္တယ္လို႔ေျပာတဲ့စကားကို
ေခ်ဖ်က္ၿပီးေလာက္ပါၿပီ

နတ္ျပည္နဲ႔ သိၾကားမင္းအေၾကာင္းကေတာ့အေပၚမွာ ေျပာခဲ့ၿပီ
၃၇မင္းအေၾကာင္းကေတာ့ ၿပီးမွ ေျပာမယ္
အရင္ဆံုး GOD နဲ႔ god ကိုကြဲေအာင္လုပ္ဦး
အႀကီးေတြနဲ႔ GOD ဆိုတာ ဖန္ဆင္း႐ွင္ နတ္ဘုရားႀကီိးကိုသံုးတာ
က်န္တဲ့ နတ္ေသးနတ္မႊားမွန္သမွ် god ပဲ

၃၇မင္းနတ္အေၾကာင္းကေတာ့
၃၇မင္းနတ္ဆိုတာ နတ္၃၇ေယာက္ပဲေျပာတာမဟုတ္ဘူး
အတြင္း၃၇မင္း အျပင္၃၇မင္းဆိုၿပီး႐ွိတယ္
ပုဂံ အာနႏၵာဘုရားရဲ႕ အတြင္းမွာ ထားတဲ့နတ္႐ုပ္ေတြက အတြင္း ၃၇မင္း
အျပင္မွာထားတဲ့ နတ္ေတြက အျပင္ ၃၇မင္းေပါ့

အျပင္၃၇မင္းထဲမွာ
ပထမဆံုးက ၁ သိၾကားမင္း(သကၠမင္း)ပဲ ၿပီးေတာ့မွ
၂ မင္းမဟာဂီရိနတ္ ၃ ႏွမေတာ္ျမတ္လွ ၄ နဂါးမယ္ေတာ္ေရႊနေဘ
၅ သံုးပန္လွနတ္ ၆ မႏွဲေလး ၇ ေတာင္မႀကီး႐ွင္ညိဳ ၈ ေျမာက္မင္း႐ွင္ျဖဴ
၉ ထီးျဖဴေဆာင္းနတ္ ၁၀ ထီးျဖဴေဆာင္းမယ္ေတာ္နတ္
၁၁ ပရိမၼေရႊမင္းေခါင္ ၁၂ ေရႊဖ်င္းႀကီိး ၁၃ ေ႐ႊဖ်င္းငယ္
၁၄ မႏၱေလး ဘိုးေတာ္ ၁၅ ႐ွင္ကြ ၁၆ ေညာင္ခ်င္းအို
၁၇ မင္းစည္သူ ၁၈ ဒန္းေမာင္႐ွင္ ၁၉ ေက်ာ္စြာနတ္
၂၀ ေအာင္စြာမႀကီး ၂၁ ေရႊစစ္သင္နတ္ ၂၂ မယ္ေတာ္ေရႊစကား
၂၃ ငါးစီး႐ွင္ ၂၄ မင္းတရားနတ္ ၂၅ ေမာင္ပိုးတူ
၂၆ အေနာက္မိဖုရား ၂၇ ဆင္ျဖဴ႐ွင္နတ္ ၂၈ ႐ွင္ကုန္း
၂၉ ေ႐ႊေနာ္ရထာ ၃၀ မင္းရဲေအာင္တင္ ၃၁ ေမာင္မင္းျဖဴ
၃၂ ႐ွင္ေတာ္နတ္ ၃၃ တပင္ေရႊထီးနတ္ ၃၄ ေျမာက္ဘက္႐ွင္မ
၃၅ ေတာင္ငူ႐ွင္မင္းေခါင္ ၃၆ သံေတာ္ခံ ၃၇ ယြန္းဘုရင္
[မူကြဲနဲ႔ ေဆြစဥ္မ်ိဳးဆက္ကေတာ့ ပို႔စ္နဲ႔မဆိုင္လို႔မဆက္ေတာ့ဘူး]
ဒီနတ္ေတြကို မိ႐ိုးဖလာကိုးကြယ္တာက တခ်ဳိ႕ကတကယ္ကူညီၾကလို႔
တခ်ဳိ႕ကေတာ့ အားကိုးၿပီးသားဘုရင္ေတြျဖစ္တာေၾကာင့္ပဲ
သူတို႔ကိုကိုးကြယ္တဲ့သူေတြက လာဘတို႔ ဘယတို႔ေလာက္ဆို သိပ္ကိစၥမ႐ွိေပမယ္
သရဏဂံုပ်က္ေလာက္ေအာင္ကိုးကြယ္လာရင္ေတာ့ အျပစ္ျဖစ္ကုန္တယ္
ေသရင္ငရဲက်မယ္ သူတို႔ကို ကန္ေတာ့စရာမလိုဘူး။

အတြင္း ၃၇မင္းကို အလကားေကာင္ေတြမ်ားမွတ္ေနသလား
အဲ့ဒါက တကယ့္ နတ္ေတြ နတ္စစ္သူႀကီး နတ္ဘီလူးေတြ
အာဋာနာဋိယသုတ္‌မွာပါတယ္
၁ ဣႏၵနတ္ ၂ ေသာမ ၃ ဝ႐ုဏနတ္ ၄ ဘာရဒြါဇနတ္
၅ ပဇာပတိနတ္ ၆ စႏၵနတ္ ၇ ကာမေသ႒နတ္
၈ ကိႏၷဳဃ႑ဳနတ္ ၉ နိဃ႑ဳနတ္ ၁၀ ပနာဒယကၡေသနာပတိနတ္
၁၁ ဩပမညယကၡေသနာပတိနတ္ ၁၂ ေဒဝသုတယကၡေသနာပတိနတ္ ၁၃ စိတၱေသနယကၡေသနာပတိနတ္
၁၄ နေလာရာဇယကၡေသနာပတိနတ္ ၁၅ ဇေနသဘယကၡေသနာပတိနတ္ ၁၆ သာတာဂိရိယကၡေသနာပတိနတ္
၁၇ ေဟမဝတယကၡေသနာပတိနတ္ ၁၈ ပုဏၰယကၡေသနာပတိနတ္ ၁၉ ကရတိယယကၡေသနာပတိနတ္
၂၀ သီဝကယကၡေသနာပတိနတ္ ၂၁ ပုစလိႏၵယကၡေသနာပတိနတ္ ၂၂ ေဝသာမိတၱယကၡေသနာပတိနတ္
၂၃ ယုဂႏၶရယကၡေသနာပတိနတ္ ၂၄ ေဂါပါလယကၡေသနာပတိနတ္ ၂၅ သုပၸေရာဓယကၡေသနာပတိနတ္
၂၆ ဟိရိယကၡေသနာပတိနတ္ ၂၇ ေနတၱိယကၡေသနာပတိနတ္ ၂၈ မႏၵိယယကၡေသနာပတိနတ္
၂၉ ပဥၥလစ႑ယကၡေသနာပတိနတ္ ၃၀ အာဠာဝကယကၡေသနာပတိနတ္ ၃၁ ပဇၨဳႏၷယကၡေသနာပတိနတ္
၃၂ သုမနယကၡေသနာပတိနတ္ ၃၃ သုမုဒယကၡေသနာပတိနတ္ ၃၄ ဒဝိမုခယကၡေသနာပတိနတ္
၃၅ မဏိယကၡေသနာပတိနတ္ ၃၆ မဏိဓရယကၡေသနာပတိနတ္ ၃၇ ေသရိသကယကၡေသနာပတိနတ္
ဒီနတ္ေတြက သိပိအားကိုးရတဲ့ သူေတာ္ေကာင္းနတ္ႀကီးေတြ ဖုတ္ၿပိတၱာ တေစၦသရဲေတြ ထိန္းမရရင္
ဒီအာဋာနာဋိယသုတ္နဲ႔ သူတို႔ကိုတိုင္တဲ့သေဘာ အာဠာဝကဆိုလည္း
အလြန္လိမၼာေနၿပီ ေသာတာပန္ႀကီး ဗုဒၶရဲ႕ ဓမၼအေၾကာင္းကိုလိုက္ခ်ီးမြမ္းၿပီး
နာခ်င္စိတ္ေပၚေအာင္ တိုက္တြန္းေပးေနၿပီ အလြနိသိမ္ေမြ႕ေနၿပီ
{ဒါေတာင္ တခ်ဳိ႕က အာဠာဝကေဆးထိုးၿပီး ၾကမ္းသတဲ့ အံ့ဩပါ့၊ ဟိုကသိရင္တရားစြဲမယ္}

ဒီေတာ့ ၃၇မင္းဆိုတိုင္း spirit လို႔ ရမ္းေျပာလို႔မရဘူး
အစိမ္းေသနတ္႐ွိသလို နတ္မင္းႀကီး ၃၇ပါးလည္း႐ွိတယ္
အစိမ္းေသ ေသထားတဲ့ နတ္ေတြကို ကိုးကြယ္မႈက
ဗုဒၶဘာသာနဲ႔မဆိုင္ဘူး လက္လည္းမခံဘူး
ျမန္မာ႐ိုးရာသာျဖစ္တယ္
သူတို႔ကိုကိုးကြယ္တာကလည္း အစိမ္းေသေသလို႔ ကိုးကြယ္တာမဟုတ္ဘူး
မူလကအားကိုးတဲ့ ဘုရင္ျဖစ္လို႔ နတ္ကြန္းနဲ႔ အျမတ္တႏုိးထားတာရယ္
ကိုယ့္ကို တကယ္ကူညီလို႔ မိတ္ေဆြသံေယာဇဥ္နဲ႔ နတိကြန္းေဆာက္ေပးၿပီး
အျမတ္တႏုိးထားတာရယ္ ေနာက္ပိုင္း မိဘဘိုးဘြား လက္ဆင့္ကမ္းၿပီး
႐ိုးရာ သယ္ေဆာင္လာတာပဲ

ျမန္မာေတြက မသိပဲ ၂ခုေရာတယ္ဆိုတာ
ျမန္မာေတြေရာတာလား ေမာင္ရင္ေရာေနတာလား ျပန္စစ္ေဆးပါဦး

spirit ကို ပယ္စြန္႔ႏုိင္ရင္ေကာင္းပါတယ္ ပယ္လိုက္ပါ
မပယ္ႏုိင္ပဲ ပယ္မိရင္ေတာ့ မေတာ္တဆ ပယ္မိတဲ့ေန႔ နတ္စင္ျဖဳတ္ခ်လိုက္တဲ့ေန႔
ဆိုင္ကယ္ေမွာက္တယ္ဆိုပါစို႔ နတ္စင္မျဖဳတ္လည္း မေတာ္တဆဆိုရင္ ေမွာက္မွာပဲ
ဒါေပမယ့္ ဒီနတ္စင္ျဖဳတ္မိလို႔ဆိုၿပီး ဥပါဒါန္စြဲသြားရင္ပိုမေကာင္းဘူး
spirit ကို စြန္႔ႏုိင္ရင္စြန္႔ပါ မစြန္႔ႏုိင္ရင္လည္း
တန္ခိုး႐ွင္အျဖစ္သာကိုးကြယ္ပါ ဒါကေကာင္းပါတယ္
သရဏအေနနဲ႔ေတာ့ သြားမကိုးကြယ္လိုက္ပါနဲ႔
သရဏဂံုပ်က္ၿပီး အပါယ္က်သြားပါလိမ့္မယ္ ။ ။

အဇာတသတ္ရဲ႕ ခမည္းေတာ္ ဗိမိသာရမင္းႀကီး က ေသာတာပန္ျဖစ္ပါလ်က္နဲ႔ နတ္စစ္သူႀကီးပဲ ျဖစ္တယ္ႀကားဖူးတယ္ အဲဒါ ဘယ္နတ္စစ္သူႀကီးပါလဲ။
အတြင္း၃၇မင္းထဲက
နံပါတ္၁၅ ဇေနသဝယကၡေသနာပတိနတ္ပဲ
ဇနဝသဘနတ္ဘီလူးလို႔ေခၚတယ္
ကုေဝရ ေဝႆဝဏ္နတ္မင္းႀကီးရဲ႕ လက္ေအာက္ခံပဲေပါ့
သူကေသာတာပတၱိဖိုလ္ေဇာနဲ႔ စုတိသြားတာမွန္တယ္
ဒါေပမယ့္ ဘဝေပါင္းမ်ားစြာ ဒီေနရာမွာျဖစ္ခဲ့ဖူးတဲ့အစြဲေၾကာင့္
လာျဖစ္ရတယ္ ဒါေၾကာင့္ ဥပါဒါန္ဆိုတာ သိပ္ေၾကာက္စရာေကာင္းတယ္

Credit: အရွင္ အကုသလပုတၱ

[Unicode]
--နတ် တို့ အကြောင်း--

။ဗုဒ္ဓဘာသာလို် ထည့်ပြောထားလို့ ဗုဒ္ဓဘာသာပိုင်းကပဲ ဝင်ပြောပါမယ်။

နတ်ဆိုတာတကယ်တော့ စွမ်းအားရှိဝိညာဉ်တစ္ဆေတစ်မျိုးပါဆိုတာကိုအရင်ရှင်းမယ်သူကတော့ဘယ်ကျမ်းကပြောတယ်မသိ ကိုယ်လည်းတကယ်မြင်ဖူးတာမဟုတ်တော့
စာထဲကပဲ ပြောရတာပေါ့နတ်ကိုလည်း တစ်မျိုးတည်းရှိတယ်လို့ ယူဆထားပုံရတယ်

နတ်ပြည် ၆ထပ်ရဲ့ စည်းစိမ်နဲ့ သက်တမ်းလေး နည်းနည်းပြောပြမယ်။

☆စတုမဟာရာဇ်နတ်ပြည်ဆိုတာ မြင်းမိုရ်တောင်ရဲ့ အလယ်မှာရှိတယ်။
ဓတရဋ္ဌ၊ ဝိရုဠှက၊ ဝိရူပက္ခ၊ ကုဝေရဆိုတဲ့ နတ်မင်းကြီး လေးပါးက အုပ်ချုပ်တယ်။
စတုမဟာရာဇ်နတ်တွေဆိုတာ အလွန်တန်ခိုးကြီးတယ်။
သက်တမ်းက နှစ်ပေါင်း ၅၀၀ ရှိတယ်။
လူသက်နဲ့ဆို အနှစ် ၉သန်းရှိတယ်။

ရုက္ခစိုး ဘုမ္မစိုးဆိုတာ ရှိတယ်

ဘုမ္မစိုးဆိုတာ ဘူမိယံ+ဘဝါ ။ဘုမ္မာ။
မြေ၌+ဖြစ်သောနတ်။မြေ၌ဖြစ်သောနတ်။
မြေကြီးနဲ့ဆက်နွယ်သမျှ သစ်ပင် တော တောင် ရေ မြေမှာ
ရှိသမျှ နတ်အားလုံး။

ရုက္ခဒေဝ - ရုက္ခဇိုဝ်း(ရုက္ခစိုး)နတ်ဆိုတာကလည်း
မြေကြီးနဲ့ ဆင်စပ်တဲ့ သစ်ပင်မှာနေလို့ ဘုမ္မဒေဝပဲ။
သူတို့က အနိမ့်ဆုံးနတ်ဘုံဖြစ်တဲ့ စတုမဟာရာဇ်ရဲ့
လက်အောက်ခံတွေ။ ဘယ်နတ်နဲ့တွေ့တွေ့ သူတို့က
အနိမ့်စာရင်းထဲကပဲ။

ဘုမ္မဒေဝနတ်တွေလည်း လူတွေလိုပဲ သက်တမ်းကမမြဲဘူး။
တချို့ အသချေင်္ယျတမ်းအထိရှည်တယ်။
တချို့ ခုနစ်ရက်နဲ့ သေတယ်။
ကံအလိုက်ပဲ။

သူတို့ထဲမှာ နတ်သေးနတ်မွှား နတ်ပြိတ္တာလေးတွေပါတယ် အသူရကာယ်‌နတ်ပါတယ် အသူရာနတ်ပါတယ် ယမမင်းဆိုတာလည်း ဒီထဲက ဝေမာနိကပြိတ္တာမင်းကြီးပဲ သူက ကုသိုလ်ရှိရဲ့နဲ့ အကုသိုလ်ဇောနဲ့ ငရဲရောက်လာသူတွေကို ကုသိုလ်စိတ်ပြန်ဖော်ပေးတဲ့တာဝန်ယူထားတယ် အကုသိုလ်ကြီးပြီး.ငရဲတိုက်ရိုက်ကျသူတွေ သူနဲ့မတွေ့ရဘူး သူကငရဲကြီးမှာလည်းမနေဘူး ငရဲငယ်မှာနေတယ် သူလည်းအကုသိုလ်ကံပါရင် ဒုက္ခခံရသေးတယ်

☆တာဝတိံသာ သူ့ထက်ပိုပြီးမြင့်တယ်။ မြင်းမိုရ်တောင်ထိပ်မှာ ရှိတယ်။
သိကြားမင်း ဦးမဃနဲ့တကွ ၃၃ယောက်သောနတ်မင်းကြီးတို့ အုပ်စိုးတယ်။
အခေါင်နတ်မင်းကတော့ ဦးမဃပဲ။ (မာဃမဟုတ် မဃသာအမှန်)
တခြားနတ်မင်းတွေလည်းရှိတယ်။ နတ်သားတစ်ယောက်တောင်မှ နတ်သမီးအခြွေအရံ
၅၀၀ ခြံရံပြီး ကာမဂုဏ်ချမ်းသာကို ခံစားတယ်။
သက်တမ်းက နှစ်၁၀၀၀ လူလိုတွက်ရင် ၃ကုဋေ၆သန်းရှိတယ်။

☆ယာမာကနေစပြီး ဘုံဗိမာန်တွေဟာ ကောင်းကင်ယံမှာတည်တယ်။
ယာမာနတ်တွေကို ဆင်းရဲခြင်းကင်းသောနတ်တွေလို့ခေါ်တယ်။
နတ်ချမ်းသာကိုချည့် သီးသန့်ခံစားတဲ့နတ်တွေ။
သက်တမ်းက နှစ် ၂၀၀၀ လူလိုတွက်ရင် ၁၄ကုဋေ၄သန်းရှိတယ်။
နတ်ဘုံတိုင်းမှာ ကိုယ့် နတ်မင်းကြီးနဲ့ကိုယ်ရှိတယ်။
ယာမာ နတ်ပြည်အတွက်တော့ သုယာမနတ်မင်းက အခေါင်နတ်မင်းကြီးပဲ။

☆တုသိတာနတ်ပြည်ဆိုတာ အလွန်နှစ်သက်ရွှင်လန်းတယ်။
ဘုရားလောင်းနဲ့ မယ်တော်ဟောင်းတွေဒီဘုံမှာ လာဖြစ်ကြတယ်။
အခေါင်နတ်မင်းကြီးက သန္တုဿိတနတ်မင်းပဲ။
သက်တမ်းက နှစ် ၄၀၀၀ လူလိုဆို ၅၇ကုဋေ၆သန်းရှိတယ်။

☆နိမ္မာနရတိနတ်ပြည်ဆိုတာ ကိုယ့်စည်းစိမ်ကိုယ်စိတ်ကြိုက် ဖန်တီးလို့ရတယ်။
အောက်ကနတ်ပြည်တွေက ကိုယ့်ကုသိုလ်ကံအလိုက် ဘုံဗိမာန် အစရှိသဖြင့် ရတယ်။
ဒီနတ်ပြည်ကတော့ စိတ်ကြိုက် ဖန်တီးပြီး ခံစားလို့ရတယ်။
လိုတာထက်ပိုပြီးခံစားလို့ရတယ်။
သက်တမ်းက နှစ် ၈၀၀၀ လူလိုဆို ၂၃၀ကုဋေ၄သန်းရှိတယ်။
ကျောင်းတကာမကြီး ဝိသာခါ သေတော့ ဒီဘုံကို ရောက်တယ်။

☆ပရနိမ္မိတဝဿဝတီနတ်ပြည်က နတ်ပြည် ၆ထပ်မှာ အမြင့်ဆုံးပဲ။
စည်းစိမ်ကလည်း ကိုယ်တိုင်တောင်ဖန်ဆင်းစရာမလိုဘူး။
ကျွန်အစေအပါးနတ်တွေက ဖန်ဆင်းပေးတယ်။
သူတို့က လိုတာထက်ပိုပြီး ခံစားချင်ရင်တောင် သူများဖန်ဆင်းပေးရတယ်။
သက်တမ်းက နှစ်ပေါင်း ၁၆၀၀၀ လူလို ၉၂၁သန်းအထိ ရှည်ကြာတယ်။
မာရ်နတ်က ဒီဘုံမှာနေတယ်။ အခေါင်နတ်မင်းကြီးတော့ မဟုတ်ဘူး။
မာရ်နတ်သားပဲ။ အခေါင်နတ်မင်းကြီးက ဝဿဝတီနတ်မင်းကြီး သပ်သပ်ရှိတယ်။

ဒီတော့ နတ်ဆိုတာတကယ်တော့ စွမ်းအားရှိဝိညာဉ်တစ္ဆေတစ်မျိုးပါဆိုတာ
ကျန်တဲ့နတ်တွေအကြောင်း မကြားဖူးပဲ စတုမဟာရာဇ်လက်အောက်ခံ ပြိတ္တာအနွယ်
နတ်သေးနတ်မွှားလေးတွေလောက်ပဲ ကြားဖူးပြီး ဝါးလုံးသိမ်းရိုက်လိုက်ပုံပါပဲ

ဖုတ်သွင်းတာ ဝင်ပူးတာ စိတ်ညှို့တာကတော့ အောက်လမ်းဆရာတွေလည်း လုပ်တတ်ပါတယ်
ကောင်းကောင်းကန်းကန်း ပထဝီကသိုဏ်းဘာညာ ရှုပြီး ပထမဈာန်ကနေမှ ဈာန်အင်္ဂါတွေလျှော့ချ
ဝေဒနာကျော်ပြီး ပဥ္စမဈာန်ရ ပဥ္စမဈာန်ကနေ အဘိညာဉ်ကို ကူးတာမှ အဆင့်အတန်းမြင့်မြင့်
တန်ခိုးဣဒ္ဓိပါဒ်နဲ့ ဘာနဲ့ ရှိသေး
သိပ်တော့မလွယ်လှဘူး ပြောသလောက်မလွယ်လှဘူး
ပါရမီမှမရှိရင်တော့ အရင်ဆုံး ဝသီဘော်ငါးတန်ကို လေ့ကျင့်ဦး

အနောက်တိုင်းမှာ စွမ်းအားလို့ပဲခေါ်ခေါ် ဝိညာဉ်လို့ပဲခေါ်ခေါ်
ဗုဒ္ဓဘာသာက အသက် ဝိညာဉ် လိပ်ပြာကို လက်မခံဘူး
ဝိညာဏ်တော့ရှိတယ် ဝိဉာဏက္ခန္ဓာ.§.စိတ်
ဒါပေမယ့် သူကလည်း သူ့ချည့်မနေဘူး ကျန်တဲ့ နာမ်ခန္ဓတွေပါ
တွဲလျက်ပါတယ် ဝိညာဏက္ခန္ဓာလာတာနဲ့ ဝေဒနက္ခန္ဓာ သညက္ခန္ဓာ
သင်္ခါရက္ခန္ဓာ တွေပါ ပါပြီးသား သဘောကတော့ စိတ်ဖြစ်တာနဲ့
စေတသိက် ပါပြီးသားဆိုပါတော့

ဒီလောက်ဆို နတ်အကြောင်း ကောင်းကောင်းသိပြီး
ဝိညာဉ်ကို လက်မခံတဲ့ ဗုဒ္ဓဘာသာဆိုတဲ့အချက်က
မြန်မာတွေက ဗုဒ္ဓဘာသာဖြစ်တာကတစ်ကြောင်း
ဝိညာဉ်တွေကိုလည်း ကိုးကွယ်ချင်ပြန်ဆိုတော့
အဲ့ဟာတွေကို နတ်လို့ ယူဆလိုက်တယ်လို့ပြောတဲ့စကားကို
ချေဖျက်ပြီးလောက်ပါပြီ

နတ်ပြည်နဲ့ သိကြားမင်းအကြောင်းကတော့အပေါ်မှာ ပြောခဲ့ပြီ
၃၇မင်းအကြောင်းကတော့ ပြီးမှ ပြောမယ်
အရင်ဆုံး GOD နဲ့ god ကိုကွဲအောင်လုပ်ဦး
အကြီးတွေနဲ့ GOD ဆိုတာ ဖန်ဆင်းရှင် နတ်ဘုရားကြီိးကိုသုံးတာ
ကျန်တဲ့ နတ်သေးနတ်မွှားမှန်သမျှ god ပဲ

၃၇မင်းနတ်အကြောင်းကတော့
၃၇မင်းနတ်ဆိုတာ နတ်၃၇ယောက်ပဲပြောတာမဟုတ်ဘူး
အတွင်း၃၇မင်း အပြင်၃၇မင်းဆိုပြီးရှိတယ်
ပုဂံ အာနန္ဒာဘုရားရဲ့ အတွင်းမှာ ထားတဲ့နတ်ရုပ်တွေက အတွင်း ၃၇မင်း
အပြင်မှာထားတဲ့ နတ်တွေက အပြင် ၃၇မင်းပေါ့

အပြင်၃၇မင်းထဲမှာ
ပထမဆုံးက ၁ သိကြားမင်း(သက္ကမင်း)ပဲ ပြီးတော့မှ
၂ မင်းမဟာဂီရိနတ် ၃ နှမတော်မြတ်လှ ၄ နဂါးမယ်တော်ရွှေနဘေ
၅ သုံးပန်လှနတ် ၆ မနှဲလေး ရ တောင်မကြီးရှင်ညို ၈ မြောက်မင်းရှင်ဖြူ
၉ ထီးဖြူဆောင်းနတ် ၁၀ ထီးဖြူဆောင်းမယ်တော်နတ်
၁၁ ပရိမ္မရွှေမင်းခေါင် ၁၂ ရွှေဖျင်းကြီိး ၁၃ ရွှေဖျင်းငယ်
၁၄ မန္တလေး ဘိုးတော် ၁၅ ရှင်ကွ ၁၆ ညောင်ချင်းအို
၁၇ မင်းစည်သူ ၁၈ ဒန်းမောင်ရှင် ၁၉ ကျော်စွာနတ်
၂၀ အောင်စွာမကြီး ၂၁ ရွှေစစ်သင်နတ် ၂၂ မယ်တော်ရွှေစကား
၂၃ ငါးစီးရှင် ၂၄ မင်းတရားနတ် ၂၅ မောင်ပိုးတူ
၂၆ အနောက်မိဖုရား ၂၇ ဆင်ဖြူရှင်နတ် ၂၈ ရှင်ကုန်း
၂၉ ရွှေနော်ရထာ ၃၀ မင်းရဲအောင်တင် ၃၁ မောင်မင်းဖြူ
၃၂ ရှင်တော်နတ် ၃၃ တပင်ရွှေထီးနတ် ၃၄ မြောက်ဘက်ရှင်မ
၃၅ တောင်ငူရှင်မင်းခေါင် ၃၆ သံတော်ခံ ၃၇ ယွန်းဘုရင်
[မူကွဲနဲ့ ဆွေစဉ်မျိုးဆက်ကတော့ ပို့စ်နဲ့မဆိုင်လို့မဆက်တော့ဘူး]
ဒီနတ်တွေကို မိရိုးဖလာကိုးကွယ်တာက တချို့ကတကယ်ကူညီကြလို့
တချို့ကတော့ အားကိုးပြီးသားဘုရင်တွေဖြစ်တာကြောင့်ပဲ
သူတို့ကိုကိုးကွယ်တဲ့သူတွေက လာဘတို့ ဘယတို့လောက်ဆို သိပ်ကိစ္စမရှိပေမယ်
သရဏဂုံပျက်လောက်အောင်ကိုးကွယ်လာရင်တော့ အပြစ်ဖြစ်ကုန်တယ်
သေရင်ငရဲကျမယ် သူတို့ကို ကန်တော့စရာမလိုဘူး။

အတွင်း ၃၇မင်းကို အလကားကောင်တွေများမှတ်နေသလား
အဲ့ဒါက တကယ့် နတ်တွေ နတ်စစ်သူကြီး နတ်ဘီလူးတွေ
အာဋာနာဋိယသုတ်‌မှာပါတယ်
၁ ဣန္ဒနတ် ၂ သောမ ၃ ဝရုဏနတ် ၄ ဘာရဒွါဇနတ်
၅ ပဇာပတိနတ် ၆ စန္ဒနတ် ရ ကာမသေဋ္ဌနတ်
၈ ကိန္နုဃဏ္ဍုနတ် ၉ နိဃဏ္ဍုနတ် ၁၀ ပနာဒယက္ခသေနာပတိနတ်
၁၁ ဩပမညယက္ခသေနာပတိနတ် ၁၂ ဒေဝသုတယက္ခသေနာပတိနတ် ၁၃ စိတ္တသေနယက္ခသေနာပတိနတ်
၁၄ နလောရာဇယက္ခသေနာပတိနတ် ၁၅ ဇနေသဘယက္ခသေနာပတိနတ် ၁၆ သာတာဂိရိယက္ခသေနာပတိနတ်
၁၇ ဟေမဝတယက္ခသေနာပတိနတ် ၁၈ ပုဏ္ဏယက္ခသေနာပတိနတ် ၁၉ ကရတိယယက္ခသေနာပတိနတ်
၂၀ သီဝကယက္ခသေနာပတိနတ် ၂၁ ပုစလိန္ဒယက္ခသေနာပတိနတ် ၂၂ ဝေသာမိတ္တယက္ခသေနာပတိနတ်
၂၃ ယုဂန္ဓရယက္ခသေနာပတိနတ် ၂၄ ဂေါပါလယက္ခသေနာပတိနတ် ၂၅ သုပ္ပရောဓယက္ခသေနာပတိနတ်
၂၆ ဟိရိယက္ခသေနာပတိနတ် ၂၇ နေတ္တိယက္ခသေနာပတိနတ် ၂၈ မန္ဒိယယက္ခသေနာပတိနတ်
၂၉ ပဥ္စလစဏ္ဍယက္ခသေနာပတိနတ် ၃၀ အာဠာဝကယက္ခသေနာပတိနတ် ၃၁ ပဇ္ဇုန္နယက္ခသေနာပတိနတ်
၃၂ သုမနယက္ခသေနာပတိနတ် ၃၃ သုမုဒယက္ခသေနာပတိနတ် ၃၄ ဒဝိမုခယက္ခသေနာပတိနတ်
၃၅ မဏိယက္ခသေနာပတိနတ် ၃၆ မဏိဓရယက္ခသေနာပတိနတ် ၃၇ သေရိသကယက္ခသေနာပတိနတ်
ဒီနတ်တွေက သိပိအားကိုးရတဲ့ သူတော်ကောင်းနတ်ကြီးတွေ ဖုတ်ပြိတ္တာ တစ္ဆေသရဲတွေ ထိန်းမရရင်
ဒီအာဋာနာဋိယသုတ်နဲ့ သူတို့ကိုတိုင်တဲ့သဘော အာဠာဝကဆိုလည်း
အလွန်လိမ္မာနေပြီ သောတာပန်ကြီး ဗုဒ္ဓရဲ့ ဓမ္မအကြောင်းကိုလိုက်ချီးမွမ်းပြီး
နာချင်စိတ်ပေါ်အောင် တိုက်တွန်းပေးနေပြီ အလွနိသိမ်မွေ့နေပြီ
{ဒါတောင် တချို့က အာဠာဝကဆေးထိုးပြီး ကြမ်းသတဲ့ အံ့ဩပါ့၊ ဟိုကသိရင်တရားစွဲမယ်}

ဒီတော့ ၃၇မင်းဆိုတိုင်း spirit လို့ ရမ်းပြောလို့မရဘူး
အစိမ်းသေနတ်ရှိသလို နတ်မင်းကြီး ၃၇ပါးလည်းရှိတယ်
အစိမ်းသေ သေထားတဲ့ နတ်တွေကို ကိုးကွယ်မှုက
ဗုဒ္ဓဘာသာနဲ့မဆိုင်ဘူး လက်လည်းမခံဘူး
မြန်မာရိုးရာသာဖြစ်တယ်
သူတို့ကိုကိုးကွယ်တာကလည်း အစိမ်းသေသေလို့ ကိုးကွယ်တာမဟုတ်ဘူး
မူလကအားကိုးတဲ့ ဘုရင်ဖြစ်လို့ နတ်ကွန်းနဲ့ အမြတ်တနိုးထားတာရယ်
ကိုယ့်ကို တကယ်ကူညီလို့ မိတ်ဆွေသံယောဇဉ်နဲ့ နတိကွန်းဆောက်ပေးပြီး
အမြတ်တနိုးထားတာရယ် နောက်ပိုင်း မိဘဘိုးဘွား လက်ဆင့်ကမ်းပြီး
ရိုးရာ သယ်ဆောင်လာတာပဲ

မြန်မာတွေက မသိပဲ ၂ခုရောတယ်ဆိုတာ
မြန်မာတွေရောတာလား မောင်ရင်ရောနေတာလား ပြန်စစ်ဆေးပါဦး

spirit ကို ပယ်စွန့်နိုင်ရင်ကောင်းပါတယ် ပယ်လိုက်ပါ
မပယ်နိုင်ပဲ ပယ်မိရင်တော့ မတော်တဆ ပယ်မိတဲ့နေ့ နတ်စင်ဖြုတ်ချလိုက်တဲ့နေ့
ဆိုင်ကယ်မှောက်တယ်ဆိုပါစို့ နတ်စင်မဖြုတ်လည်း မတော်တဆဆိုရင် မှောက်မှာပဲ
ဒါပေမယ့် ဒီနတ်စင်ဖြုတ်မိလို့ဆိုပြီး ဥပါဒါန်စွဲသွားရင်ပိုမကောင်းဘူး
spirit ကို စွန့်နိုင်ရင်စွန့်ပါ မစွန့်နိုင်ရင်လည်း
တန်ခိုးရှင်အဖြစ်သာကိုးကွယ်ပါ ဒါကကောင်းပါတယ်
သရဏအနေနဲ့တော့ သွားမကိုးကွယ်လိုက်ပါနဲ့
သရဏဂုံပျက်ပြီး အပါယ်ကျသွားပါလိမ့်မယ် ။ ။

အဇာတသတ်ရဲ့ ခမည်းတော် ဗိမိသာရမင်းကြီး က သောတာပန်ဖြစ်ပါလျက်နဲ့ နတ်စစ်သူကြီးပဲ ဖြစ်တယ်ကြားဖူးတယ် အဲဒါ ဘယ်နတ်စစ်သူကြီးပါလဲ။
အတွင်း၃၇မင်းထဲက
နံပါတ်၁၅ ဇနေသဝယက္ခသေနာပတိနတ်ပဲ
ဇနဝသဘနတ်ဘီလူးလို့ခေါ်တယ်
ကုဝေရ ဝေဿဝဏ်နတ်မင်းကြီးရဲ့ လက်အောက်ခံပဲပေါ့
သူကသောတာပတ္တိဖိုလ်ဇောနဲ့ စုတိသွားတာမှန်တယ်
ဒါပေမယ့် ဘဝပေါင်းများစွာ ဒီနေရာမှာဖြစ်ခဲ့ဖူးတဲ့အစွဲကြောင့်
လာဖြစ်ရတယ် ဒါကြောင့် ဥပါဒါန်ဆိုတာ သိပ်ကြောက်စရာကောင်းတယ်

Credit: အရှင် အကုသလပုတ္တ